如果你行行下街 有對大陸黎香港既情侶同你講
佢地兩個身無分文 D行李係哂機場既酒店 而且要問你借一千蚊
承諾遲D會係同一個地方還番錢比你 你會借嗎?
呢個又係一位朋友既故事
我聽完之後話:你唔係真係咁on9借比佢下話
佢話:係呀 萬一佢地真係有需要呢? 一個男仔係自己女朋友面前向其他人低聲下氣好似個乞衣咁 我諗佢唔會呃我掛
我話:警訊都有教啦大哥 唉 知不知佢在濫用你的惻隱
佢笑左一笑 話:唔緊要啦 佢都比人呃過一次啦 咪當感受下囉
我朋友所指既佢 係佢既前女朋友
有個陌生既男人走向一個女孩 問可唔可以斨錢 然後拎出一張一千蚊
女孩馬上拎出銀包 剛好有十張一百蚊 打算去交補習費 就同個陌生男人斨左
之後佢去交補習費既時候 先發現張一千蚊係假既

佢同男孩講 以後唔會再幫人 攬住男孩喊左五分鐘
然而當男孩買左女孩最中意食既雪糕氹番女孩之後
轉個頭見到街邊有個行乞既婆婆 即刻拎哂身上既散銀比婆婆 叫佢快D番屋企買野食
男孩笑說:唔係話唔會再幫人架啦咩傻瓜
女孩扁一扁咀 說:幫得就幫呀嘛 你都係呀 見到有人要幫手唔好唔幫呀
萬一 佢地真係有需要呢?
縱使分開了 但我呢位朋友仍然記得有個女孩要佢幫得就幫
我問:仲掛住佢?
佢抬頭望向缺月 話:她很善良吧? 就算比人呃 咪買個雪糕氹下自己囉
不過今次呢位朋友好好彩 哥對大陸黎既情侶真係搵番佢
並且打算比五千蚊佢 感激佢雪中送炭
然而我朋友靜係要番一千蚊 而佢同個男仔講 希望佢用剩底既四千蚊 去幫下四個需要一千蚊既情侶
哥對情侶好感動 佢話我朋友係天使
然後我朋友同我講 其實佢既她 先係天使
{門外變成什麼天氣}
{我始終有更好預期}
{誰未贊成 沒有幫手打氣}
{但我撐得很有道理}
https://www.youtube.com/watch?v=El-iKWC81ug
P.S. 最近睇完成套童話戀曲 係一套唔錯既以音樂為主既愛情小品
大家得閒可以睇下架

.
.
.
如果喜歡我的文章 歡迎到我的Facebook點個讚
你們的讚好 就是我最大的動力
讓我在追夢的路上 有你們的陪伴 謝謝