【您能給孩子最珍貴的，叫信任】

每對父母都好想幫子女鋪定路
想佢贏在起跑線，其實都只係想佢走少啲冤枉路
不過作為一個活在自由家庭下成長的人
我覺得放手同信任真係依家啲父母最缺乏既東西

由細到大，我父母對於我既學業都不太過問
無人迫過我考第一，無人迫我默書要一百分
無人迫我一定要讀理科讀商科（所以我揀左最乞食既文學）
無人叫我大學揀BBA，無人叫我出去搵野做要搵多啲錢..
（更莫講話要嫁個有錢人呀要搵個男人月入幾多呢啲啦）
所以我是在非常非常自由既環境下成長
而我，一直感激呢點。

雖然我今日都唔係咩成功人士

不過由始至終，能夠選擇自己想要的路，我是幸福的啊～

中七那年，ALEVEL成績不好但也不是最差
只能入到排唔知第八定第九既中國研究
聽個名都知道唔想讀，於是我打畀媽媽，
「我有大學收啦，中國研究，不過我報左ASSO諗住讀ASSO」
我記得我媽媽淨係問左句「點解唔讀DEGREE？」
我都淨係答左句：「唔想讀呢科」
就係咁，無人需要一哭二鬧三上吊，我放棄左OFFER去讀想讀既傳理

到之後大學畢業搵份一萬蚊既工，仲要做左兩年
仲要執埋笠。兩年之間同失業之後都無人質疑過我既選擇
我知道那不是不關心，那是信任。

爸爸媽媽一直都相信我，知道我不是個亂來的人
所以他們讓我去做想做的事，走想走的路

只要不要餓死街頭就好了..
我覺得，比起用錢用關係去幫助我鋪路，
這樣放手的讓我去選擇自己的路，來得珍貴又重要。

媽媽在知道我拍拖既第一刻
佢同我講：個男仔好唔好咖？記住有無錢唔重要咖最緊要對您好！
我一直記得。

依家既父母知識水平高左，
因為知道更多，所以對孩子既控制都更多
但真的，孩子自己會懂得成長
孩子的人生讓孩子自己做決定啊～

註：希望有日我做人父母都記得今日講過既野。

圖攝於大學畢業典禮那天。
對啦～您讓我讀想讀的科，我也不會讓您失望啦～
/
ig: hkgirlfriend
Facebook: https://www.facebook.com/hkgirlfriend/