我叫小智，同竉物小精靈果個主角同名，不過佢志願係捉晒全世界D精靈，而我簡單D就係想了解女人的胸部……
可能自小就無咗老母，得老豆同我相依唯命，缺乏母愛長大下，所以最代表母愛既“胸部”，就成為咗我做人唯一追求。
或者你地話我，咸濕就咸濕，唔好將佢包裝為欠缺母愛……係，我認，我好沉迷女人個胸，無論大中小SIZE，只要係我視線出現，我個腦就會好快咁傳送到我手掌，經目測，去衡量自己可唔可以一手包辦。
我估，我以上既剖白，應該會令女讀者們反感，但請你地明白，我咸濕，但夠坦白，正如我問你地，胸係咪有好過無先？有，係咪要有D睇頭先？你地可能會話：“有肯係好啦”，“起碼著件衫都好睇D啦”……
嗯。我可以話比眾女士知道，著衫好唔好睇，的確好睇有冇胸，呢句話我敢代表全地球男人講，如果有男人話唔係，我敢講，係因為佢身邊果個冇，先會產生呢種自我安慰模式……
講咗咁耐，係時候要入局，故事開始前，簡單形容自己，我身高比王祖藍優勝，個樣比林雪順眼，就係得咁多，而我之所以成功入到一間賣女人內衣店做野，無非就係我姑姐間鋪，而佢間鋪果個貨務員，又啱啱炒車入廠……所以我就好順利咁去咗“幫手”。
貨務員係咩？只係名一個，其實我可以作過一個勁好多既名都得，不過我覺得無必要，因為個名就算有幾勁都好，人工都唔過萬四。
不過，我無嫌棄，試問有咩工可以寓工作於娛樂，而且，要了解女人個胸，最實際就係從胸圍着手，又有得娛樂，又有野學、又有人工收，一個字：爽。
而我不得不提一樣野，儘管我話自己對胸部幾咁渴求，老實講，真胸，我真係一次都無摸過，我老友阿楊，算係真心死黨果隻，係我十八歲生日果日，佢請我去咗廟街，當然老友送生日禮物，除咗講多謝，我真係唔知講咩好。
正當我滿懷興奮，去迎接我一生第一“球”，而果個鳳姐亦都極之配合咁，將整對胸，迎面而來之際，見前的“兩點”，完全將我理想中對胸的想法完全摧毀。
我唔想用太多字去形容睇前所睇既事實，因為經常諗返，就會有暗影，我只好會輕輕咁講一句，“工作用既胸”同自家用既，視角上差距很大。
就好似一部14座同一部子彈一樣，從視角上就已經感受到佢既味道。
事後，我覺得自己好對唔住果位鳳姐，因為當佢除晒衫之後，我故意自己整響部手電，扮有人搵我，之後就一走了之，其實果刻我好內疚，人地話，千萬唔好對妓女有任何感情，但我做唔到，因為我的確係負咗人咁，所以我係第二日靜靜鷄買咗盒西餅放咗係上“公司門口”算係賠過罪。
回憶講完，講返依家，我係姑姐間鋪度，基本上，係見唔到女人，因為我負責搬貨，或者講白D，就係執胸圍，原來胸圍款式同功用，真係好多，我唔係“拋書包”，總之，如果大家有機會同女埋牙果時，記住先欣賞下佢帶果個胸圍先，肯定會對你有意外收獲。
放心，雖然我認係咸濕，但係我絕對無對D貨做出任何變態行為，因為胸圍對於我黎講，係一件好神性既野，大家試諗下，呢件野既存在，係用黎保護我既一生目標，係幾咁偉大同勁揪。為咗表示我對佢地既尊重，係我要掂佢地之前，我都會帶對白色手襪(切乳豬果隻)，果一刻覺得自己幾禁專業、幾禁珠寶鑑賞家……
而平時，我都好鍾意有意無意咁，係貨倉走出鋪面，睇下女。初時，我都好驚D女會尷尬，或者D女會用好奇異眼光去望我，但原來事實上係無，可能時代唔同咗，佢地見我蛇出黎，反而會覺得好好奇，有D仲即刻通處望下，係咪電視台果D偷拍攪笑節目，真係睇電視睇到SHOT晒……
當然我唔好刻意咁留意佢地既胸，因為咁做，唔單止趕客，而且肯定會比樓面阿WING姐鬧，所以我大約好奇咗一個星期之後，我就唔無成日蛇出去。
直到有一次，WING姐大叫一聲：「攞個極致3/4罩深V蕾絲杯深F」
嘩~F？深V蕾絲？當我腦裡面出現呢幾個組合，我知道，鋪面果度，黎咗個類似有林志玲氣質既客人，我深呼吸一下，我要變返一個極之專業既胸圍鑑賞家……唔係，係專業貨務員。
為表尊重，我連平時著住開工果有對老翻CROSS膠鞋，都即刻換返對剔，我同自己講，出面果個無論係一個咩樣既女人都好，佢既氣質已經被肯定﹗
我以一個專業人士身份，將我手上既貨交俾個女客人果一刻，我無估錯，對方的確有着女明星既身份……
-魯芬。
“細路，未見過明星買胸圍呀？”
芬姐，果種裡裡內內都係演戲細胞既天賦，一句話，令我處身於黑道那種殺有戒事，一觸即發既氣氛當中……
結果如何？當然我無死度，成件事亦好平常既一單生意，而最意想不到係，最後，我攞到芬姐簽名同手機合照。
(暫時完)
