喺香港，所有熱潮都有個限期。

由從前既伊籐家芝士蛋糕，韓國燒魷魚，乳酪雪糕，剛結業既西龍傳香飯糰
到近期既芝士撻，鯛魚燒雪糕，長洲芒果糯米糍，等等等等
全部都走不開同一個命運：

由一家開始，被報導被廣傳被洗版，然後排隊排隊排隊
然後其他人開始仿效，然後周圍都開滿一樣的店，
然後不再珍貴，然後人們開始熱情冷卻，然後一間一間結業。

是不是香港人太薄情？
還是香港人太喜歡把一樣東西消費得太厲害？

呢期興芝士撻嘛？就大家齊齊開芝士撻，
連鎖餅店都要做埋芝士撻，誓必將個市場填到完全飽和
驚死十八區有人食唔到芝士撻會傷心既氣勢
然後呢？一拍兩散，連第一間開始既鋪頭都無人再去排隊

這就是香港人既生意模式

執輸行頭慘過敗家，人做我做先係生存之道
太多人跳上同一條船既後果，就只有沉船

我見韓國明洞滿街小食，但甚少重覆的食物
他們賣的不是滿街一樣的小食，而是各有各特色
良性競爭，大家都有自己市場，才long lasting

香港最愛抄日本抄韓國抄台灣既創意小食
照辦煮碗copy and paste就好，
就是欠了去創造的心，
因為香港大多都是生意人，只求賺錢的捷徑
（當然有啲小食店真係默默耕耘自己創作自己改良啦）

忽然說起這個，是因為今天去尖沙咀時經過果間奧地利芝士包
曾經網絡廣傳，每次去都排哂隊又或者賣哂

今日去到竟然無人又有包買，就試了，真的好好味！
然後咬住個芝士包經過長洲糯米糍，
發現由高峰時期十四蚊一舊，已經變番九蚊舊嚕....

btw我最懷念既永遠都係伊籐家芝士蛋糕
仲記得果陣最近都係旺角火車站附近先有
親戚辛苦排好耐隊先買到番來一齊食，一人食得一啖
是很珍貴的味道。後來執哂ok便利店有細版賣，偶爾都會買來做早餐
嗯又想吃了～依家ok仲有無得賣？

圖片來源：都是從google下載來的。
/
Facebook: https://www.facebook.com/hkgirlfriend/
ig: hkgirlfriend