我先舉起雙手，呢到有一個。

小學時期每年一次既牙科保健簡直係惡夢
喺牙科保健前既一星期我已經開始好緊張不安
前一晚一定訓唔著幻想住聽朝去畀啲姑娘蹂躪既畫面

我諗呢種恐懼係來自經驗，
每次去牙科保健果啲姑娘（定牙醫）既粗暴對待，小女子沒齒難忘
每次入到去自己一個小朋友面對佢地既呼喝
「坐定呀」「唔好郁」「您郁我點整呀」
已經非常害怕，加上牙隨砧板上，任人魚肉已經乖乖做好聽教聽話

但檢查牙既過程都並無得到溫柔既禮待
最恐怖係每次洗牙都洗到成口水，無人幫您吸水
試過唔小心飲左差啲反胃，試過忍唔到濁親，又畀姑娘鬧
（我係去到大個出去畀錢洗牙先知洗牙會有姑娘一邊吸口水）

所以每年準備去牙科保健訓唔著既晚上，
我會喺床上練習唔吞口水... 希望真正洗牙時都忍得住。

升中學令我最開心既就係知道唔洗再去牙科保健啦（跳起）
不過往後既日子我對牙醫都有種恐懼
直到好耐之後，第一次畀錢去洗牙，見到牙醫溫柔既問候同對待

又有姑娘一邊吸水，洗到一半又停低畀我抖抖
我先明白長大同金錢既美麗～

其實牙科保健啲職員可唔可以畀啲愛心
咪鬼再傷害我地啲弱小心靈，童年陰影好大獲呀您知唔知姐！

p.s 依家睇牙最大恐懼係金錢
今日入去十五分鐘唔見左一千蚊，真令人不安

圖為超人回來了，三胞胎去睇牙崩潰既場面
我好鍾意睇介紹番。
/
我的專頁：https://www.facebook.com/hkgirlfriend/
ig: hkgirlfriend