【我們是不是在一步步失去旺角？】

When MK is no longer MK.

以前家住葵青區，我的小時候/中學/甚至大學時期都是在葵青區蒲大
旺角對那時候既我來說，係一個多姿多彩熱鬧既地方
感覺旺角好似咩都有，咩都有得賣咩都有得做

以前可能一個月先會去一次旺角，
朗豪坊由最高果層開始行都行到幾粒鐘，
然後沿住行人專用區行去瓊華/兆萬/家樂/潮特/信和
再加埋家樂對面可以掃街，旺角真係好精彩
又多野睇，睇衫又得睇玩具又得化妝品亦得window shopping更得
那時候，去旺角真係可以行足一日。

到近年，我搬左去油尖旺區
行去旺角行人專用區只要十五分鐘
可是，我卻愈來愈少去旺角了。

連拍拖行街都不會選擇去旺角，

因為旺角好似已經變得無野行又無特色了
（突然講起旺角，因為那天同麥仔在拍拖行街，發現旺角好似已經無野好行）

瓊華同家樂相繼沒了，
變了連鎖百貨公司連鎖衣服店....
當愈來愈多旗艦店出現在旺角，就代表愈來愈少特色小店
旗艦H&M旗艦Forever 21連CSL都有旗艦呀喂！
愈來愈銅鑼灣，旺角就愈來愈不旺角了

家樂對面既小食店，都變成連鎖既珍珠奶茶，
愈來愈貴既臭豆腐魚蛋燒賣，
而其他地方都找到一樣東西既時候（掃街我推薦葵廣）
旺角就愈來愈失去非去不可的必要了

一樣的只是一大班人聚會依然喜歡去旺角食飯
並非因為旺角有什麼特別好食既好餐廳

只因為交通方便，大家去同走都方便而已
旺角除左同以前一樣多人，一樣又熱又迫空氣差自由行多之外，
旺角剩下既意義，就只是方便而已

究竟旺角真的是不再精彩
還是我已經長大了（啊～總要加個唏噓的結尾）

#可能不再MK的是我

另，其實不只是旺角
香港每區都有個大商場，大商場入面的鋪其實每區都一樣
一樣無印uniqlo logon catalog，所以每區都慢慢在失去非去不可的理由
只是旺角以前還有瓊華同家樂，這些小商場，本可容下一些小商店
後來沒了，就只剩下無處不在的大集團商店...
/
我的專頁：https://www.facebook.com/hkgirlfriend/
ig: hkgirlfriend