筆者做過幾年補習，令我更加感概。

由細細個開始，已經有唔知幾多細路比屋企送去補習社，同其他人開始無止境嘅競賽。

明明有啲細路家境並唔係特別富裕，屋企都要慳埋慳埋送佢去補習社，就係為左唔好令自己仔女落後於起跑線。

到底呢種風氣係幾時開始？歸根究底，都係香港嘅教育制度形成。

家長做咁多野，都係想自己仔女係呢場學習競賽入面贏出，拎到一個大學學位。

明明有啲細路資質平平，都要死讀爛讀，將自己童年埋沒係書本入面。

但，無奈嘅係，入到大學又點？依家一個大學學位，亦都唔可以為你確保到乜野。

死讀爛讀之後，先發覺原本人生呢條路，都係唔夠個班較天堂模式出世嘅人玩。

生於基層家庭，除非讀到三大神科，如果唔係都無乜途徑改變命運。

仲想講夢想？諗下點樣供養父母晚年先啦。

更無奈嘅係，個種儲十幾年錢先上到車嘅稀噓，一上車就要供幾十年嘅絕望。

係香港，就黎連呼吸一下自由空氣嘅機會都要被扼殺。

所謂嘅國際大都會，揭開面紗後，就係一個貧富懸殊極其嚴重、滿目瘡痍嘅社會。

期望政府可以幫到你？就會發覺政府只係關心點樣通過媚共政策，點樣強姦納稅人，點樣幫助新移民等等。

安居樂業，對於香港普遍市民黎講似乎係天方夜譚，尤其係對於年青人。

有別於幾十年前嘅香港，依家就算肯捱，都未必捱到出頭天。

其實，好多人都只係想可以活得簡單。買到樓，組織一個家庭，平平凡凡咁生活，偶爾同家人朋友去下旅行咁樣。

但係偏偏，呢種平凡簡單嘅幸福，係香港就係難以實現。