講下女仔人設先，惠嵐，一個由小學開始用既名，因為一直諗住之後可以用到。
身高155cm，生日11月26日。
好似冇補充了，另一個咪我。

嵐「喂，不如去露營^_^」
我「無啦啦去露營？」
嵐「係呀，幾時去～」
我「你呢啲叫通知我喎...」

然後就為了這突發奇想而上網尋找了各個露營熱點、營具、交通等等...等等...

我「等等...你識唔識去架...？」
嵐「唔識架，到時會搵到路架啦」
我「搵路真係唔係咁易...你之前冇去過？」
嵐「一班人都有過次既，但咁樣都係第一次」

好吧，為何我要設定一個路痴女友呢？明明同為路痴的我連商場也能迷路，獨自找路更加會心跳加速手心冒汗...

但儘管如此，想到既然也沒多少機會能一起去的話，難得這麼一次，至少，也得留給她一個想起便會傻笑的回憶。

而最後，我選了個三面山一面海超偏僻的露營地點。

嵐「我有咩要帶？」
我「帶衫可以出汗換；好大機會落雨所以帶多把遮，而且要拎野我都唔係好遮到你；雖然海邊但都會熱帶把風扇仔；仲有...」
嵐「咁啲營具呢？有未？定去租？」
我「一早問人借左啦租咁貴」
嵐「咁你識唔識去？」
我「上網睇左睇，啲人寫到好詳細，識去呀」
嵐「～^^～」我「傻左？」
嵐「唔係呀，你好認真～明明之前問你仲話咩「無所謂啦」「隨便啦」咁樣」
我「......」嵐「^^」

我「我講啲野執晒之後睇你想帶啲咩就帶埋啦，我仲有野執緊，一陣見」
嵐「一陣見～」

一切準備就緒，但站在巴士站前的等待期間，仍然一直陷入焦慮狀態。

其實為了讓整個流程更順暢，在前一個禮拜我還特地自己去把整條路走了一次，再加上我怕她會選擇山路，因此連上下山也走過了一次以免迷路，而結果就是腳底生了水泡，連走路也有點困難。
我有說跟她說嗎？別傻了，嵐知道了的話絕對不會讓我來的。

「一陣到...就落車轉小巴然後...頂！仲要買野...」
腦海中一直在回想那走過一次兩個多小時的路線，同時又擔心水泡的事會否敗露然後被遣返...

「諗緊咩呀？」抬起頭看，是惠嵐。
她背著一個厚大的背包，看上去就放了很多東西，另外...
「哈哈哈哈哈哈」我緊繃的情緒一下鬆弛了下來。
「做咩？精神分裂？」嵐不解。

這時候，巴士剛好到了。

我「冇，想笑咪笑囉，上車先啦」
嵐「哼」
然後我們便上了巴士，開始一連兩日的露營旅程（？

待續......