話說前一日我為左發夢既野攪到自己鬼咁倦，(原因睇我既長篇)，我就好無精神咁落街去玩Pokemon Go，順便去返工。

落到街見到個幾靚既女仔派將傳單比我，咁點？咪接囉。

一睇先知原來係選舉既野，睇左兩睇，傘兵黎架喎，

咁因為我一路玩Pokemon Go一邊睇，加上又行緊路，又咁鬼多字，真係睇左好耐都未睇完。

去到車站都重捉緊「周柏豪」，咁就有個師奶(其實應該唔係，但又唔肯定會唔會係個師奶想搭車跨買送架麻)，手上攞住一份好似咩中秋大陸遊咁既野。

個車站又冇咩人，佢見我攞住份野又玩手機，就好不屑咁講：

「又係呢d攪事棍，咪鬼投佢添呀！」

我就反搭訕佢，因為冇野好捉。

「係？咩人黎架？」

「攪錯呀？你成日打機上網架喎！你都唔知？」

佢呢野我真係已經輸左，咁Pokemon Go都係一個網上遊戲，但點解佢會覺得我知到傘兵既野？

如果唔係份野講佢地自己有份去雨傘，我都唔知添！

「...呢D學生食飽飯無野做，係到攪攪陣，又暴動、又係旺角亂過馬路，神憎鬼厭架！」

呢下我又好佩服佢，份野寫佢都三十幾歲人，睇個樣都知佢唔會係十八廿二，你又知佢係學生？

咁佢當年應該都係個學生既... ...呀！唔係，重有D碩士同博士都會係呢個年紀。阿師奶ARM！

之後亂過馬路被人拉... ...唔知係講緊佔領旺角？定係摩士既Pokemon呢？其實情況都係一樣既即。

講多幾句就有人開始黎排隊，個師奶突然收左聲，之後成程車都冇再講野，唔知佢係咪怕羞呢？

咁我當然唔玩Pokemon Go啦，唔係咪比人Block A/C，於是就開始認真去睇呢份野。

睇到落車都未睇完，因為我會暈車浪，所以D文字消化唔到，好易會嘔返出黎，但總算明白佢係做緊。

之後又好似隱瞞聽到個師奶把聲，唔知點解師奶把聲... ...通常都係一個TONE，好易認。

佢就同一個又咁ARM買送既師奶係到勁讚個團抵玩，一定要去咩咩會報名之類... ...因為有D字真係入唔到耳... ...我聽得唔係太清楚。

不過覺得佢好成功咁將一個自己鍾意既組職，用最吸引人既方法黎幫佢地拉票... ...反觀其他... ...唉... ...

落左車，我就一路睇住份野，一路玩Pokemon Go。

目的好簡單，我都幾認同呢份野既人講既野，但佢地又應該冇咩錢，

不過見到之前果個派傳單既素顏女仔都幾靚，應該都係心地善良(我就係咁naive)。

我咪用自己既方法黎，一路行一路睇單張，就好似做書展攤位d人咁，一定要比個有自己書店既紙袋比你，

等你係會展攞住周圍走一樣，路過見到既人，支持既就會覺得有人睇，唔支持既就會覺得呢條友有冇攪錯！

咁我覺得... ...都算做到d效果呀。

更最重要既係，我一直玩Pokemon都被份野擋一擋，冇人知我係到打緊機呀麻。