第一章
“唔好...唔好啊...”我迷迷糊糊咁想推開我面前想攬住我黎錫既呢個男人...呢個男人究竟係邊個黎...
/
“梓曰...今晚我會搞個 birthday party , 你一定要黎啊...”Mandy係手上既一疊邀請卡入面抽左左塞比我。
“記得叫埋男朋友黎啊...”講完呢句佢就跑走左 , 好似趕住要派曬佢手上個疊邀請卡
“滔滔...”我跑埋去攬住我男朋友
“你洗唔洗每次見面都咁肉緊啊...人地唔知以為我地好耐無見...但係明明琴日先見完...”
“咁你又攬得咁實...扮曬野咁...仲有啊...可唔可以唔好每次見面都好似摸狗咁摸人地個頭啊...摷到個頭亂曬啦...”
佢一路笑...一路繼續好似摸狗咁摸我...一於實行佢慣性既意見接受 , 行動依舊。佢份人就係咁 , 次次都要同人打對台 , 最鍾意睇你比佢激到抓狂個樣 , 真係無佢咁好氣。
“係喎...今晚得唔得閒...Mandy搞左個 birthday party 叫我地一齊去”我係個袋到摷左張邀請卡塞比佢
佢接過張邀請卡之後打開入面睇...“要盛裝出席喎...”
“咩話...盛裝 ? ”我搶返張邀請卡返黎睇
“各位姐妹 , 小妹今日牛一...今晚會搞個 birthday party , 大家要盛裝出席啊...短裙高踭鞋緊係走唔甩啦...”
“短...短裙 ? 仲要高踭鞋...搞咩啊...”我睇完個句即刻頹左
滔滔係我手上面搶返張卡係到笑住咁話“短裙喎...你有咩?”
“咩無啊...我謝師宴個套咪係 , 反正佢地又未見過...著個套囉。”我搶返張卡返黎“咁你今晚黎唔黎嫁?”
“未必得...得既話我自己過黎...”佢繼續摷亂我個頭。
/
“梓曰...你黎左啦”我一踏入去Mandy即刻走黎攬住我
白色蕾絲裙配淺藍色高踭鞋...Mandy今晚真係好靚。
“你男朋友呢?”Mandy望下我後面...
“佢...唔得閒黎”我尷尷尬尬咁同Mandy講
“唔緊要啦...黎啊...我介紹我啲朋友你識...”Mandy拖住我去左一班人到...
“同你地介紹...呢位係我好姐妹...梓曰”Mandy將我介紹比個班人識
“原來你就係梓曰...我係Mandy契哥... Ken”有個高高大大既男人企左起身 , 五官標誌 , 完全係男神既風範
“契哥...你幫我招呼住梓曰先...我去招呼其他客人”Mandy將我推左比佢契哥就去左招呼其他客人。 “fruit punch岩唔岩?”Ken遞左杯野比我
“Ok啊...唔該...”我伸隻手去接住
同佢傾下傾下我差唔多飲曬成杯 fruit punch...
奇怪啦...點解咁暈既?明明無酒精...
“唔...唔好意思...我...我有啲唔舒服...我走先...幫我同Mandy講...講聲sorry”我腳步浮浮咁企起身諗住走

突然之間我feel到有人攬住我條腰
“我扶你...” 係啊Ken...
“你做咩啊...啊...”啊Ken突然攬住我黎錫
“你好香...”啊ken一路聞我條頸一路錫
“唔好...唔好啊...”佢好大力 , 我用盡全力都推唔開佢
“放開你隻手”突然有個男人跑過黎 , 一拳打左落啊Ken塊面到
“你條街 , 打我”啊Ken坐係地下咆哮
啊Ken開始發癲...就係呢個時候Mandy打開門見到咁既局面 , 即刻好緊張咁叫滔滔帶我走...
“咪
走啊仆*”啊ken好似癲左咁拎起野追出黎攻擊我地
“走啊...快啲走啊...反方向跑啊...”Mandy大嗌
/
滔滔拖住我跑出門口 , 但係啊Ken係後面追緊我地 , 好似想殺左我地咁...
“除鞋... 除左對鞋...快啲...無時間”滔滔好心急咁叫我除左腳上面個對4吋高踭鞋。
我地不停跑 , 不停向前跑...
“好...好...好攰...跑...跑唔郁...”我一路跑 , 一路講
“支持住...支持住...”我知其實佢都好攰 , 佢都就無氣
我地繼續跑 , 希望可以擺脫啊Ken
“好奇怪 , 點解我地好似跑得越黎越快 , 而且每步都好似唔洗用力咁...好輕”我一路跑...一路講...
“躲係到...等我去睇下賣甩佢未”我地跑到一個轉角位 , 滔滔示意我躲係到...
“小心啲...”我好擔心咁望住滔滔既背影

第二章
“躲係到...等我去睇下賣甩佢未”我地跑到一個轉角位 , 滔滔示意我躲係到...
“小心啲...”我好擔心咁望住滔滔既背影
/
“唔得...都係一齊去好”係滔滔走出去唔夠3秒 , 我即刻轉出去
“點解無人...”我望住前面一條直路 , 周圍都唔見滔滔既蹤影
“滔滔...出黎啊 ! 唔好玩啦”我大嗌 , 希望會有人答我 。 可惜既係 , 無任何聲回應我既呼喊..
我好驚...三秒 , 唔係都未夠三秒 , 無可能跑得咁快... 無可能架...
跑 ! 我跑返回頭路 。
依家係半夜 , 周圍都好黑... 人影都無個 , 全條街就淨係得啲街燈同埋我呢個拎著對高踭鞋赤腳跑既癲婆...
由於我一路跑一路喊 , 視線早已經被淚水搞到模模糊糊 , 直至到我撞到啲野...

/
“哎...”我唔知撞到啲咩 , 搞到失平衡跌左落地
“你有無事啊 ? ”有把好熟悉既聲音問我 , 我唔會認錯...係滔滔
“你去左邊啊...嚇死我啦 。 你知唔知岩先你突然之間唔見左我幾驚啊 。 ”我用盡全力攬住前面呢個男人...好似一唔用力攬住佢就會消失
“你認錯人啦”佢推開我
“認錯 ? ”我望住前面呢個男人 , 無論身形 、 樣貌都同滔滔一模一樣
“唔好玩啦…”我伸隻手出去摸佢塊面
奇怪...點解有疤痕
我望住前面呢個男人 , 的確佢同滔滔係生得一模一樣 , 但係滔滔塊面無疤痕 , 雖然佢同滔滔好似 , 但係佢既神態同滔滔唔同 , 佢比滔滔更加成熟 , 似一位經歷過好多野既人...
“對唔住...我諗...我”
“結果你地都係黎左...要發生既 , 始終都係要發生 , 真係改變唔到...”正當我打算同佢道歉既時候 , 佢突然講左句咁既說話
“你講緊咩...”我好疑惑咁望住前面呢個男人
“我叫啊蹈...但係唔好搞錯 , 我唔係你要搵既人 。 原本以為可以阻止呢一切既發生 , 結果都係唔得... 跟我黎 , 我話你知究竟發生咩事...”啊蹈示意我跟住佢行
/
“明明岩岩跑過黎既時候係一條大直路 , 完全無印象有條分叉路...”我一直跟住啊蹈
“到啦”啊蹈係前面停低
“商場?”我望住前面座建築物 , 好疑惑咁問
“行啦…我地入去 , 入面有人會解答到你既疑問”佢向住商場既入口行入去
“等埋我啊...滔...啊蹈”有一刻我差啲以為佢係我男朋友
/
“我地到啦…”啊蹈帶我上左2樓“琼姐...”
“洗衣鋪?”我望住前面唯一一樣有著燈既鋪頭 , 無錯呢間所謂既商場 , 除左呢間洗衣鋪 , 係無其他商鋪有著燈
“你就係梓曰...”有個女人坐係櫃檯前面嗌我
“嗯...我係...究竟發生咩事?有無人可以解答我...”我望住佢地兩個
“蹈仔...乜你無同人地講發生咩事架?”琼姐好驚訝咁望住啊蹈
“無啊...我唔知點開口...都係你講啦...話曬你都係老大”啊蹈將個波射返比琼姐
“你又知人地一定肯參加...始終咁危險”琼姐用好擔心既語氣講
“發生咩事...咩危險?”我插左句嘴埋去
“歡迎你黎到我地既世界...”琼姐突然同我講歡迎
“你地既世界?你講咩?”我被佢搞到一頭霧水
“我地可以幫你搵返你男朋友 , 不過當中有一定既危險 , 有可能...我話有可能姐...有可能會無命”