話說星期前去見一份工，我早左15分鐘去到人力資源部，坐係梳化又無咩好做，咪周圍睇下。
點知比我發現左一份唔會有人買、甚至近期連7仔同圓圈K都搵唔到既大公報！
真係難得，但見到個下真係想即刻唔工先份工。

OK，可能係我太敏感，我唔好諗得咁負面先，不如睇下其他，
係呢D地方你一定搵唔到生果、西方之類既野都預左，
但好奇怪，你會發現每一份放係到既雜誌、報紙，係右下角到都會貼個Label係寫住人力資源既label，
偏偏呢份大公報係冇，即係話呢份野其實係私人攞出黎放係到，

咁放出黎果個一定係fans啦？咁都買到？
其次就係，佢係唔經同事處理自己放出黎既，我敢相信呢個一定係高層！

理由好間單，可以係人力資源部既雜誌架到私人放一份大公報... ...
邊個會咁做？唔通坐cleck果個阿姐可以咁做？
佢最多咪就係幫你執下佢，佢點敢放出黎呀？

另外大家亦都會明白一點，會睇大公報既人得兩種，
一係就係個文盲、一係就睇盲文既，
佢地有能力去到呢個位，你唔驚？

用返共產黨由黃子華解釋出黎既理論，你好放唔放，

放一份咁有中共文化色彩既報紙係最多人事處理既部門到比人睇？
跟本就係有心將共產黨既訊息係公司散佈。
冇人睇係一會事，(呢d咁既雜誌架邊有人睇)，但係救敢放出黎已經好有機心啦！

你將來會有機會係到做野，諗起都心寒啦，
無得簡就話，有得簡都重要入火坑？
聽聞佢地間中都會攪好多聯絡活動架喎，你可以唔去？
私人既都還好，一陣比人post上網話我係黨員去叫雞咪死？
就算死都唔好死係呢d位呀麻！呢班友真係會累街坊架喎！

所以最後我背負住一個被人罵唔等得既90後名義離開呢間公司... ...
始終我唔係太想攪亂人地國家既內政，我只係想係香港打份工，做返個香港人即。

By 十二少引述九細佬的故事