十一妹最近係咁睇一個叫「慳D啦！Honey！」既ViuTV既節目，其實呢次既真人SHOW都唔係唔好睇。

不過真係SHOW太多，我本來都係想上網睇返動畫算，但電腦就得一部，唯有比佢用先。

其實我只係想講節目中的四對情侶夫婦，無論男有幾賤、女有幾差，

我發覺好多周圍既評論都係鬧D女人，唔知有幾多人有同感。

當然我期望係有男人會有同感(雖然我知係好難)

一個招牌港女，有幾黑人憎唔洗講，
一個天真到無朋友，都會覺得佢係抵死... ..(人地天真即，咁都有錯？可能真係錯)
重有一個，好明顯個男人有幾黑人憎啦... ...但都要鬧個女人蠢、白痴既... ...
最後一個真係無咩野差，最正常！OK！....但無咩好讚....

喂...點呀？好既男人身邊既女人都係預左比人罵... ...
唔好既男人身邊既女人...又要比人罵？
可唔可以著睇係個男人身上呀？

可以，無問題！
第一個男人，咩都就曬個女人，任佢發脾氣，無得頂！好呀！
一個完全接受個女人既無知同天真...好野添啦！
一個...個女人可以咩都就曬佢既，天堂啦！
最後一個，又呃又哄咩都得，樣又唔算太差，幾好喎！

點解會係咁既先？男既真係冇咩好踩，當然有個極端例子，
但係女既你唔會有咩好讚？

最後睇多兩睇D評論... ...我終於明白左一個道理。

因為睇既同講既都係女人... ...

By 九細佬