人生得一知己，死而無憾！ 我相信衰衰格格，翹口杉手嘅我，人生唔會衰到得番一個知己掛或者是零知己掛？
如何看待你的人生知己？ 或者我地先談淺一點，如何看待你人生的好朋友？

路人甲大叔成日話：相識是緣份 ! 我認同的，即使是網絡朋友，素未謀面，相識也是種緣份。

我成日都話友誼這東西唔需要滿到瀉，一個字<<夠>>。

而緣份就是令兩個人好朋友到咩地步的一種重要的元素，偏偏其實自己心中有數，他/她究竟在自己心目中是萍水相逢的朋友？還是可以促膝談心的好朋友？
還是那種不經常見面仍然好有默契，你講一句佢已經估到你下一句係咩個種知己呢？ 又或者是先後說一樣的說話的那一種？
故此我對朋友是十分揀擇的， 一番取捨過後，我對身邊的你地總是以心相待的，我會捉緊緣份，
朋友可以是一生一世的，歌仔都有得唱"朋友我當你一世朋友"
如果我真的把他/她當成朋友，我會接近盲目地對他/她支持，這正是朋友的本意！

至於網絡朋友，我也很隨緣，也許大家只需要一個安全的傾訴空間，

可以將日常生活上遇到但又同身邊的朋友又分享唔到的跟網絡朋友暢所欲言，我的角色亦是一個聆聽者。

Hey ~ 別人需要空間發洩，你咪俾條生路人地行下，聽下信下都無壞姐。
就算有一日被你發現他/她所講嘅通通老作，那…你又損失咗D咩呢？極其量是你聽佢呻/老作個D時間…之麻。
喂！喂！一早講左是"網絡朋友"呀！ 難道你要他/她跟你句句屬實的交待得一清二楚嗎？

但最令人百思不得其解的是，有些人會推自己嘅好朋友去死。
點解我用百思不得其解呢？就是某某同某某明明是一場好朋友，曾經會為他/她抱不平，曾經為他/她出頭當，他/她落難時你義無反顧的去仗義相助。
又何解某一日忽然間會上演咗一幕知人口面不知心的劇情？ 眼前你的好朋友推你去死，很魔鬼地告訴你： 喂！其實我只是為你好架咋！
咁其實你對他/她的種種曾經所作的 究竟是什麼一回事呢？

理智上，我地很清楚的告訴自己唔可以出賣朋友。唔可以明知唔岩都迫佢去做。
情感上，我唔會捨得見到我的朋友受傷害， 明知係個火坑,唔會忍心推佢去死。

想了很久很久，也不能為她做一個結論，一個我明明很著緊很關心的她，究竟我是否應該繼續以心相待她？
對我來說呢一幕突發性的上演，我感到十分矛盾。

一首歌一個故事，一個LIKE一支持。支持是一種需要。

喜歡我文字的，不妨like下我facebook專頁
plus 紙言長篇小說
《他與她～那個男人》
《背後有床》