最近寫野冇咩靈感，諗住去中環睇下，
唔好同個香港有太脫節既生活，
話曬我都係香港人，點都要了解香港唔同既地方。
點知一落去行過圈，周身都傷... ...
手臂、小腿、手背、大腿外傷內傷都有！

老實講，我已經唔係去自由行同水貨區架啦，自問身手都相當敏捷，

咩篋咩車，一聽到d車碌聲都已經做好準備，要避開一d都唔難！

但去到中環，我先知道咩吹叫高手，
係人來人往既街道中，唔知幾時會殺出一個唔知咩牌子既袋角、
一個唔知咩牌子拉鏈扣、重有D唔知咩既手鏈！

嘩，人群之中好似木人行咁，前面一個鏈扣閃過，後面又黎一個袋角，
重有D好似鐵咁硬既「真皮箱」。
好彩既係留下一條血痕、唔好彩既成件衫多左袋口，

甚至係唔知幾時撞瘀左...
最慘既就係比佢攻擊完之後，佢已經消失於人群之中，
成個忍者咁勁！攪到我無得還手！我重要只係三四點去行一轉，
如果返工放工去？我真係唔知自己會變成點... ...

但經過今次之後，我就決定左一樣野，
無論幾熱都好，一定要著假既長袖皮褸，加埋護腕。
應該點都頂到幾下掛... ...