《薑》
故事，發生喺寂寂無名的刑家村村莊裏。
一場大雨過後，刑家村突然生滿晒姜。無論係農地，樹幹上，村屋的牆壁，都長滿咗一舊二舊薑。
村民起先好驚慌，其中一個c奶上官金零去咗搵村長刑在棍。
「出面有好多薑，點算。」
「唔駛驚，我陣間會同幾個不舉人一齊去斬哂d薑。」
刑在棍食完佢嗰包花生之後，就同不舉人一齊去咗斬薑。
但事情並冇刑在棍想像中咁順利。d薑竟然以幾何級數嘅速度自我繁殖，不舉人就算幾快去斬，都快唔過d薑嘅生長速度。
呢個時候，通常都會有組織出黎承認責任，而呢個人，叫陳薑蔥。
「不舉人，你地唔好再作無謂掙扎。」
「你想點？」
「好快，呢條村會比我d薑淹沒。」
「我地一定反抗到底。」
「你算吧。好快，d村民就會習慣呢個咁多薑嘅環境。」
「我唔信！」
「唔到你唔信。時間就喺麻醉一代人最好嘅毒藥，有幾多人可以堅持到最後。」
「有，我信一定有。」
「冇，一個都冇，哈哈哈哈哈。」
陳薑蔥笑住咁走。
過咗一兩日，村民果然開始接受四周係薑呢個事實。
「今晚我煮薑絲炒蟹，橫掂d薑唔駛錢。」上官金零同隔離c奶講
「好，咁我煮薑絲煲雞。」
薑越黎越多，刑在棍眼見班村民一d危機意識都冇，十分心痛。
又一場大雨過後，d薑已經生到一發不可收拾。
村民開始又驚過，好多人跟刑在棍一齊變哂不舉人去斬薑，但係已經太遲。
薑淹沒了村莊，陳薑蔥佔領了村莊，將條村命名為陳山村。
