【2021年，Apple喺天橋底搞咗個發佈會。】
時間：2021
人物：喬布甸與記者
地點：天橋底
「估唔到呢個天橋底咁靚。」我同隔離個女記者講。
「係喎，仲靚過會展。係熱咗少少啫。」女記者回應。
「Ladies and gentlemen，歡迎黎到 I-Phone XDD發佈會，快d搵個位座，發佈會就黎開始。」
記者們好快坐好。係，係有d熱。
「大家好，歡迎黎到I-Phone XDD發佈會，今年Apple喺全球都會有發佈會，我喺香港區代表，喬布甸。」
記者們都拍哂手。
「介紹番，今年 I Phone 又多咗三個新功能。包括I- chat，I-dinner 同埋 I-home。」
全場騷動。
「I-chat 主要應用係幫助大家喺日常生活同其他人交談。香港人日理萬機，冇可能成日應機，有咗呢個function，以後有人打黎搵你，iphone內置嗰個robot都會自動幫你同你朋友傾，等佢又唔駛等，你又唔駛諗。」
我舉手：「咁我地點知個robot會同個fd講乜？」
「你地唔需要知，分分鐘你老友都係用robot同你傾，所以，有得佢地自己傾。」
我隔離個女記者：「吓，咁我地點connect with friends?」
「你地都唔需要connect，你只需要同個robot connect，入d 設定比佢，例如你呢排開心定唔開心，個robot就會用呢個mood去展現比其他人睇。」
呢個時候，我同女記者都聞到有陣怪怪地嘅味。
「有陣味喎。」我同工作人員講。
「邊有？」工作人員大力呼吸。
「第二個功能：I-dinner。都係果句，香港人日理萬機，社會要進步，梗係要爭取時間做野，同人食飯太浪費時間啦。所以以後，大家唔駛就時間同人食飯啦！有咗I-dinner，你scan低自己嘅影像，你禁個制，你嘅影像就會出現喺你老友面前同埋你d聚會入面，d影像仲會同你老友吹水，搞gag，包你老友唔會悶親，係咪堅先。」
我：「吓，咁食飯仲有咩意思？」
「吓？食飯不嬲冇意思，而且浪費哂大家時間，所以呢個function，又唔駛浪費大家時間，又唔駛比飯錢，咁正，你仲想點!?」
我呆咗。
「最後一個啦，I-home！可以話係本年度最大發明。香港地少人多，有樓都比人買哂啦係咪先，所以，有咗I-home，你就算訓天橋底，都可以用 i phone投射成間豪宅嘅影像出黎，咁就人人有屋住，個個訓豪宅啦。」
我：「你冇嘢呀嘛！」我衝出座位，上台一記左勾拳揮向喬布甸。
「點解嘅！？」
我揮多幾下，都撲了空。
「我係電腦generate出黎嘅影像黎架咋。之前咪教咗你 I-dinner個function囉！我地又點會叫個真人過黎香港呀。」
「吓！？」
「你睇下呢個場，咪就係 I-room 投射出黎架囉，係咪好真呢！」
「我要喺報紙寫九你！！」我又打咗兩下撲空嘅重拳。
「你係咪儍架。」喬布甸嘅影像慢慢消失，所有工作人員都隨之消失。
番到出版社，我一肚氣打算打番篇報導去寫番iPhone XDD一獲。
點知一個鐘後，老細攞咗篇新嘅新聞稿出黎：「你可以執包袱啦，apple啱啱send咗個新function比全球雜誌社，以後禁個制，呀唔係，冇哂制啦，以後眨下眼，嗰日嘅新聞就會自動generate出黎，拜拜啦。」
我頹然，望住新聞稿上嘅headline：「I-phone科技又下一城，明年將首推 I-parent 同 I-son。」
2017棟篤雜誌
FB| Jayford.Wong
「點解嘅！？」
我揮多幾下，都撲了空。
「我係電腦generate出黎嘅影像黎架咋。之前咪教咗你 I-dinner個function囉！我地又點會叫個真人過黎香港呀。」
「吓！？」
「你睇下呢個場，咪就係 I-room 投射出黎架囉，係咪好真呢！」
「我要喺報紙寫九你！！」我又打咗兩下撲空嘅重拳。
「你係咪儍架。」喬布甸嘅影像慢慢消失，所有工作人員都隨之消失。
番到出版社，我一肚氣打算打番篇報導去寫番iPhone XDD一獲。
點知一個鐘後，老細攞咗篇新嘅新聞稿出黎：「你可以執包袱啦，apple啱啱send咗個新function比全球雜誌社，以後禁個制，呀唔係，冇哂制啦，以後眨下眼，嗰日嘅新聞就會自動generate出黎，拜拜啦。」
我頹然，望住新聞稿上嘅headline：「I-phone科技又下一城，明年將首推 I-parent 同 I-son。」
2017棟篤雜誌
FB| Jayford.Wong
