突然好想分享自己寫嘅呢個武俠故事：(宣傳下，無咩意思)
https://www.penana.com/story/44232/元戰江湖/issue/5

仲記唔記得「雨傘」？大家咬到自己人死晒火咁？又自己開閘放清兵之類... ...

上陣抗爭，要攻要守、要衝要退，唔係你個人嘅事，真係要睇清楚大圍想點，隊友係好緊要，你見到大家都唔對路，就唔好咩都攬上身，更加唔好抱住一種「必死嘅決心」，死士唔係人人都可以做。特別係年青人... ...

好多人都會用「你仲後生」呢個盾牌叫人去衝，但你諗清楚啲，衰咗係你自己，條命同人生都係你自己一個去面對，佢哋唔係黑社會，無安家費比返你，就算有都唔見得可以保證到你今後嘅人生有咩好過。

衝之前，諗一諗，有咩人陪你一齊去衝，有咩人咁值得你去為佢衝先？如果真係覺得除咗衝之外就無其他方法，我可以肯定答你，衝都係解決唔到問題，只係令自己再衰多幾鑊。

既然大家都無辦法... ...咁不如走喇？但你條氣一定唔順架，攪咁多嘢得個吉？

但事實上，無論做幾多嘢，大家都係預咗得個吉架喇？

諗返真係要出嚟示威個時，問心係咪真係覺得可以「推倒惡法」？假設，行動真係成功咗，一樣有人唔願走，死都要再爭取多啲嘢？你一定會聽到話難得咁大班人，贏就贏多啲先收手！(賭仔心態)但你要合呢個已經係最好嘅結果，無得再多。

一個唔好彩，真係照過，大家可以做啲咩？咪又係得返個「衝」字。但個問題嘅重點係，你要尊重大家唔好罵去衝嘅人，同時間你都要尊重唔想去衝嘅人，佢哋唔覺得要衝，你都無佢辦法，一個唔該佢轉身走埋，你連防線都無埋，仲衝嚟做咩？

認真，年青人，唔好理身邊啲人講咩喇，你係要對自己將來負責，唔好成日都覺得「一死以謝天下」，你無欠過呢個世界/社會！
你真係計過度過衝完有價值，死都有意義(其實你唔會死，只會比死更難捱)，咁都最後想你諗一諗... ...

香港係你屋企，為香港付出你理所當然，但唔知同你同住個班人會唔會好似你咁諗？定係食緊花生等你做班戲比佢哋睇？

睇返「雨傘」嘅前線英雄，佢哋今時今日又點樣？我欣賞佢哋，但有起事上嚟，無咩人可以幫唔到佢哋。

換轉頭如果今日出事嗰個係無咩人識嘅你？

泛民呢方面好醒，九個議員去林鄭屋企，無警察咁拉佢哋！仲會告返警察轉頭。

咁對反惡法有無幫助？無囉... ...但佢哋可以第日再玩過。

你衝完對件事又有無幫助？你又可唔可以第二日再衝過？