第一季第一集 ＜爆發＞
我係一個中四級既學生，在２０１８年９月３日，我依舊地準備番學。不過，在我踏出門口既一刻，就係我人生做得最錯既決定。
我一如以往地行路番學校，係我行緊既路上，見到有個人瞓左係垃圾堆到，不過我就照行過而冇理佢。番到學校之後，我發現明明已經過左到時間，但係班房係一個人都冇，得番Ｄ書包係到。最得人驚既係，地下有好多血跡，我見到之後嚇到即刻走出班房，再行走其他班房睇睇，但係都係一個人都冇。呢個時候我聽到地下有人叫救命，我就係四樓望落去，見到有幾個成身血既人追住另一個人，望真Ｄ，佢係我最ＦＲＩＥＮＤ既老師魏ＳＩＲ。我見到之後即刻好大聲咁叫項住，而我就衝左落去，落到去之後見到追住魏ＳＩＲ嗰幾個人就好似電影入面Ｄ喪屍咁，眼珠變成白色，而且身上唔地既位置有咬痕，呢個時候我覺得有Ｄ唔妥。魏ＳＩＲ叫我跑上六樓，於是我地就上左六樓，魏ＳＩＲ既辦公室就係六樓。
上到去之後，我就問魏ＳＩＲ發生左咩事，而魏ＳＩＲ就話學校突然有喪屍入左黎，跟住見人就咬，根據佢既觀察，比人咬完之後既人，一陣都會企番起身追人去咬。跟住，我地突然聽到門外有聲，發現出面有喪屍，不過好彩佢地唔識得開門，我地最後都因為安全起見而搬抬頂住門口。
之後，我就問魏ＳＩＲ黠解會有Ｄ咁既事，不過佢都唔知點解。我再問佢我地應該點做，佢話試下攞野扑佢地，或者攞刀插佢，可能會有用。於是，魏ＳＩＲ比左把刀我，而佢自己就攞住支棍。我地兩個企係門口，準備好對付喪屍，魏ＳＩＲ話倒數三聲後開門，而我地就要不停扑佢插佢。＂三，二，一＂魏ＳＩＲ打開左門，喪屍亦行左入黎，於是魏ＳＩＲ就扑佢隻腳，我就不停捅佢個肚。不過，佢仍然想咬我地，我靈機一動，將把刀插佢個頭，佢就冇左反應。喪屍死左之後，我地就諗下一步應該點做。
第一季第二集 ＜歸家＞
魏ＳＩＲ就話我地需要搵一Ｄ武器同同物資，於是我地就攞住武器係學校尋找物資。我地落到教員室，發現裡面有幾個生還者，包括陳老師，張ＳＩＲ同陳ＳＩＲ。我就問佢地發生左咩事，佢地話喪屍突然入左黎學校之後周圍咬人，一傳十，十傳百。最後，學校大部份人都變成喪屍，而佢地就一直留係教員室冇出過去而生還。經過一番對話之後，我同魏ＳＩＲ就教佢地點樣殺死喪屍，再同佢地講埋我地要搵物資既事。突然 ，我既電話響起了，原來係我既屋企人打黎，我即刻問佢地點樣，佢同我地講佢地冇事。之後再問我係邊，我話我係學校，佢地叫我快Ｄ番屋企。於是，魏ＳＩＲ就話取消行動，車我番屋企，順便再車埋其他老師，而佢就去搵佢既屋企人。我地係一樓攞住武器慢慢行落去地下的停車場，落到地下，突然有十幾隻喪屍走出黎，我地就不停跑，向住車場方向跑。在跑的時候，陳老師跌到了，喪屍們都撲向佢，令陳老師尖叫，佢的尖叫引來更多既喪屍咬佢。由於喪屍已經有食物，所以我地都順利上左魏ＳＩＲ既車。在車上面，我地聽到陳老師仍然在尖叫，而喪屍則開始食陳老師既內臟。過左一陣，尖叫聲停左，而我地就踏上回家既路上
