相信中學有take physics 既朋友, 一定記得成日都有lab做。小弟印象最深刻的一次,係F6個陣, 有一次做D 關於咩electric circuit既lab。

當時小弟就同我老死part lab 啦, 坐左係最前排個張檯度。

個阿sir講緊 theory 講到一半嗰陣，小弟個老死就懶醒同我講，"吓，好撚易啫。" 然後就自動波開始砌。

砌砌下，又真係俾佢砌左似模似樣嘅circuit 出黎。"搞掂！"佢好自豪咁同我講，然後啪著左個制。

點知中間盞燈完全0個反應。

"等多陣就得架啦。"佢望住我好誠懇咁講。

說時遲那時快，個circuit 已經開始出煙！小弟以為個7頭皮見到，就望住佢，睇佢有咩反應。

點知佢真係同我對望，完全唔知出緊煙，真心不可思議。

過左五六秒，最後小弟都忍唔住，"大佬啊，標緊煙呀你個circuit....."

"仆街！標緊煙呀個circuit!" 如夢初醒的他，想話拆返舊電出黎，點知舊電已經熱到痴線，愈出愈多煙，一發不可收拾。

最後阿sir衝過黎一野將成個circuit 推哂落地，全部散哂，好彩無燒著個lab。