「做咩你個次去台灣無SEND相過黎嘅？」呀媽尋晚玩緊手機個陣，突然問我。

「無影，唔想影，同埋都無咩特別好影。」

「哎呀！搞錯呀，去到咁遠都唔影相！」呀媽真係好可愛。
1)由香港機場到台灣，時間短過由屋企去機場個程。
2)去旅行，唔影相　＝　白去？

【自助餐】
好多人認為去旅行一定要影相留念，但作為一個不愛自拍又唔玩ＩＧ嘅毒撚，更加唔好講去曬相，放相簿。影相對我黎講只係一個好次要嘅選擇。

每次去旅行身邊嘅朋友就會不斷瘋狂影相，自拍，拍人，拍景。
有如強國人食自助餐一般：人出錢，我出命。
自助餐就係要食到腸胃炎，去旅行就係要影到部電話無電！

「我去旅行就係想影相，放上網比人LIKE如果唔係邊個知道我咁有LifeStyle?!」
大部份人嘅心態都係咁，所以解釋左點解啲人連做愛都要自拍。

【感受】
「傻仔黎嘅，咁你第時老個陣可以睇返啲相望下自己去過邊丫嘛。」呀媽繼續講

時代唔同，心態都唔同。
世界變得太快，我將來都未必可以好似呀爸呀媽咁，坐係到慢慢睇返以前細個嘅相。

我去旅行，不為上網呃LIKE，不為影相留念，而係想逃離香港呢個監獄，出去感受一下其他人嘅風俗同生活，呼吸一下自由嘅空氣。
我只想享受一刻，唔需要拎部相機大煞風景，我喜歡嘅旅行就係咁。

(其實去台北個幾晚日日都飲醉酒，你叫我點樣SEND比我媽睇姐!?哈哈哈)