「滋~」

一陣好香既嘢食味係鑊中傳黎,我用純熟既手勢將鑊裡面既煎蛋鏟起,放上隻碟度。夾塊火腿落兩塊方包度,再沖杯香濃既熱朱古力,一個完美既早餐就咁完成。

「哥~出黎食早餐啦~」我一邊除圍裙一邊大叫。

房門打開,一個頭髮凌亂,但五官帥氣,赤裸著肌肉結實既上身既男仔一邊打喊露一邊行出廳。

「哇好香啊,呀妹煮嘢越黎越進步啦窩,不過唔知食唔食得落肚呢🤔」

「妖🙁唔想食唔好食,攞返黎我食埋佢😤」我趴上男仔背脊,想搶翻佢攞住既早餐。

「傻妹講笑咋,你幾時煮嘢都咁好食架啦得未?落返黎啦你好重啊🙄」男仔一邊抬高份早餐唔比我搶到,一邊摸我個頭。

「哼,原諒你 但你唔可以話我重🙁」我一邊好似騎膊馬咁騎住佢,一邊輕拍佢個頭。

「乖啦原諒啊哥啦好冇,啊哥請你食糖。」男仔係個褲袋度攞左粒白兔糖出黎,係我最鍾意食既糖。

「食完早餐一齊返學啦,乖。」佢又摸下我個頭。

「哥,我今日要留係學校補課啊,你唔洗等我啦,夜晚好凍架。」

「唔好,我地一齊走啦,夜媽媽一個女仔走好危險架,我係圖書館等你,你補完課落黎搵我啦,買埋嘢食比你。」

「嘻嘻,多謝呀哥,我上課室先啦,拜拜呀哥。」我笑住咁同佢揮手。

「ok,數test加油啊,呀哥支持你。」佢一路上樓梯一路望落黎同我講拜拜。

「呀哥?你快d執嘢啦,我行得啦。」我入去圖書館,拍拍佢膊頭。

「好你等我一陣,好快走得,你食住燒賣先啦妹,補課一定好辛苦啦。」佢捏左我塊面一下。

「多謝呀哥。」又捏下佢塊面。

我地一路食住熱辣辣既燒賣,一路行返屋企。

「我都叫你唔洗等我架啦,你睇你又淨係著件冷衫,今日得11度咋。」

「我唔凍呀傻妹,我怕你凍咋。」

「哇你睇唔到我著住羽絨既咩,我仲有d熱添。」我反佢白眼🙄

「哼!唔比呀哥關心你既!」佢嘟起個嘴望住我。

「頂你好核突...唔好對住我扮可愛呀向生......」

「係既向小姐~~~」佢用高八度聲音同我講。

我地每日都係咁打打鬧鬧,一齊返學放學。