「好歡迎你加入我地公司，祝我地合作愉快。」咖啡店老闆誠哥向呀威伸出友善的手。

剛剛從電子工程畢業的呀威順利當上了他夢寐以求的職業－－咖啡師。

人工雖然不怎樣，但總算不負十年前的自己所望，沒有把靈魂賣給某某公司的「ＩＴ部」。

「出糧方面，要有中銀互口喎，你冇問題丫嘛？」誠哥補充了一句。

「好吖！我而家就去開番個。」呀威回答說。

他帶著興奮而又緊張的心情，走到銀行門口大叫：「我要開互口，我要有互口出糧！」

當然，這個古怪的城市不會有哪個旁人理會他，幸運的是他吵醒了站著打恰睡的客戶服務員－－Nancy。

她不耐煩的走過來，看著呀威一身窮酸相，慣例地問：「先生，有咩可以幫到你？」

「Nancy!我想開番個互口呀！我下個月有糧出喇！」呀威雙目發光的看著她。

「好丫，先生你係咪學生呀？」Nancy友善的問。

「唔係呀，我畢左業喇。岩岩。」呀威一臉天真的笑著。

「如果想開互口，每月拉平均要有一萬蚊係入面，如果唔係就會收番先生六十蚊。你有冇問題？」Nancy口裡說。

( 想開互口，就拎一萬蚊出黎，放入我地金庫。拎唔到呢，我地每個月就再搶你六十蚊，Nancy心裡說。）

「但係唔係有啲出糧互口，可以唔放錢入去架咩？」呀威仍然對大銀行心存希望的問。

「喔，果種戶口我地冇做喇，通常果Ｄ係比長者出福利金之類用既。」Nancy忍著恥笑回答。

（傻仔，果Ｄ互口我地點賺你錢呀，厄下老人家生果金都仲得，乖乖地拎一萬蚊出黎啦。Nancy吞下了這句說話。）

「即係我點都要先比一萬蚊出黎比你地，先可以再拎番我份一萬蚊多少少既果份糧？然後你地銀行就用我果一萬蚊唔知做Ｄ咩賺一筆？」呀威開始計算著銀行的運作。

「如果有一百個我咁既畢業生開互口，你地每個月就會有一百萬（平均）拎去背後唔知做咩？仲有機會無啦啦每個人比多六十蚊你地？」呀威繼續天真的想。

Nancy忍不住說：「個世界係咁架啦，你唔好諗咁多喇，你唔明架喇，快手拎一萬蚊出黎，我地會幫你全家祈福架喇。」

由於Nancy這句話說得太大聲，原來十分嘈吵的銀行突然靜了……

完