人來人往嘅街道，雖然相比起而家有啲破舊，但對比當時已經係差唔多咁款㗎啦！始終我哋而家返返去嘅係80年代嘅香港。已經出咗嚟做嘢嘅陳艾迪好難得終於做到左一份政府工，點知係佢前面嘅竟然係⋯⋯
「咩話？呢個部門嘅事情要絕對機密？咁我可唔可以知道究竟係做咩㗎⋯⋯」帶領着陳艾迪前往辦公處嘅男人一早就估到佢會咁樣講就問咗一句：「細嗰嗰陣時有冇睇到一啲唔應該睇到嘅嘢？」呢句話與狠狠咁樣講中咗陳艾迪嘅過去。
時間再次返番60年代，陳艾迪嘅出生嘅生辰八字同埋西方所計算嘅日期都撞中左唔係咁好嘅日子，導致佢細細個好容易見到鬼，或者咁樣講能量或者靈體。
細細個嘅時候佢好容易就睇到一個人究竟幾時要死，當一個人佢嘅能量氣場或者磁場薄弱嘅時候，佢就感覺到呢個人應該不得了啦⋯⋯
當然佢好多時候亦都會同自己屋企人講話：「點解嗰個伯伯冇光嘅？」或者講話：「呢個姐姐佢係咪病咗啊？咁暗嘅？」屋企人都對佢點解可以咁準確咁樣預計到咩人病咗，咩人就嚟病同埋咩人就嚟死呢件事感到非常意外，自細就教訓佢話唔好輕易將呢啲嘢講出嚟。
艾迪嘅屋企係一個傳統嘅書香世家，對研究科學都有一定嘅貢獻，佢哋向來都唔相信能量磁場或者靈體嘅呢啲嘢，所以一來就唔相信艾迪有啲咁嘅能力，二來亦都唔希望佢係呢方面發展。
但如此一來俾人講起咗，佢諗翻起呢一段回憶同埋呢幾年種種所睇到嘅嘢。當然佢好好奇點解對方要講起呢一樣野或者點解對方會知道呢一樣野就問：「咁同呢一個工作有咩關係？」
「你相唔相信第三眼同埋魔法？」嗰位男人問咗一條問題，但嗰個時代嘅香港人又點會知道魔法係咩嘢，頂多聽過嘅只有風水而唔係西方嘅魔法，艾迪就照住自己嘅常理答話：「前者可能信少少，後者我就唔知係咩嚟㗎啦？」
佢哋越行越深入政府嘅內部，只有三部好似好智能嘅電梯，個男人繼續話：「就算你而家唔信都好，你都將會接受一切有關魔法嘅教育，你喺被命運所選中嘅人，當然啦我都係，所以我哋先會嚟到呢個部門！」艾迪越聽越唔對路，但從一開頭入嚟已經比之前嘅面試官叫咗跟住呢個男人行，佢冇得反駁亦都冇得走，兩人搭咗電梯去到地下嘅辦公處，電梯門一打開，濃煙所薰陶嘅辦公處正係佢哋嘅目的地。
辦公處係一個圓形嘅大型房間，外牆全部都係唔同嘅書架同唔同嘅書籍，而中間好似一個壇，搭高左三四層嘅壇，全部都係啲古怪嘅裝飾物，好似拜祭用，但又好似冇拜祭嘅目標。
但係分析到呢度，艾迪就因為成個辦公處強大嘅能量衝過佢極為敏感嘅身體令到佢一時適應唔黎，又想嘔又想暈，點知個男人大力一劈佢嘅後頸佢即刻暈低咗。
