《失去》

話咁快又到咗大考嘅時間，真係唔知邊個發明考試呢樣野。老實說，考試可以令人失去的不單止有謮書既熱情，今天就讓我舉出其中一些例子啦！ 香港的後生仔唔多唔少喺考試期間都會俾老豆老母哦去溫書。（老豆老母早死或孤兒另計）而我俾人用黎哦得最多嘅一句話就係「過埋呢個考試，你想點都得。」呢句野的唯一問題就是後半句「你想點都得」。咩叫我想點都得先。係咪完咗呢個考試之後，我可以去打劫銀行先？好喇，我呢個例子好似有少少極端，或者他們真是只想靠人類的欲望去引導他們的孩子考試。

如果我考完試之後父母係真係可以遵守到諾言，畀我想點就點嘅話呢，係冇問題㗎。但你估佢會真係畀你想點就點呀？呵呵，當你考完中三大考之後，佢會改口同你講考完呢個dsc就點都得。你考完dsc嘅時候你就會同你講，你讀埋大學呢四年就畀你點都得，係唔會有完嘅一日㗎！情況就好比。當你做到退休年齡65歲嘅時候，政府同你講延長退休去到70歲，當你去到70歲的時候去同你講延長到九十歲一樣。 試問咁樣搞完幾年之後學生重點會有慾望去考試？因此，我認為呢句話應該改為「你過完呢個人生，我就比你想點就點」會較為貼切現實。

而家啲成年人成日話班後生仔早熟，其實後生仔早熟咪又係瑭成年人自己導致嘅。而家嘅父母普遍都以自己為辱，將自己以前架壓力施加咗係個仔度，令到個仔不得不成熟。所以請咁多位家長下次係話班後生仔早熟拍拖早戀嘅時候，麻煩自己不妨諗番自己有冇將所謂嘅成年人的價值觀，無意有意咁施加咗喺自己小朋友身上。

即使而家嘅政府去宣傳教育呢樣嘢時，都係希望話畀大家聽分數考試唔係最重要，反而出到嚟社會最重要嘅係社交技巧、人際關係。但係好神奇嘅係，無論點樣宣傳都好，家長們都係認為讀書考試先係最重要。例如戀愛，喺返大學之前不斷強調嘅係唔可以早戀、唔可以拍拖喇，但一上到大學，呀媽就會催你快啲搵女朋友、快啲拍拖，但係你去到嗰陣時，係沒任何嘅人際關係，淨係得書本書本同埋書本。你的所有所有嘅人際關係唔係 返完大學就突然間可以冒出嚟㗎嘛。

而家個社會的而且確係需要一啲識獨立自主思考嘅人才，而唔係一步一步嘅機器。要請你呢部機器，我不如自己砌機械人。呢啲讀過大學出嚟機器同機械人做一模一樣嘅野。但呢啲人形機械人要畀人工，我自己砌嘅機械人唔使畀人工喎！係老闆都會咁諗啦。咁你個仔又點會有工作機會，點會有晉升機會呀？ 新聞都有講過話一個高學歷嘅人，見咗200份工冇人請佢，最後要攞綜援啦！所以綜上所述，家長們都係聽政府嘅好言相勸，收手吧啦！

綜上所述，考試呢樣嘢對學生的影響係百害而無一利㗎！所以我強烈要求，家長唔好咁睇重學生們考試既成績。好喇，FF完啦！我都係時候去溫書啦，大家考試加油！