195324

寇臨，一個普普通通既中六學生，面對逼在眉睫既公開試威脅，佢居然唔係溫書，而係跟住佢堂哥係香港走黎走去？到底為左咩？佢自己都講唔出，可能有啲野係整定，亦都可能，係有人係背後設計好哂……。

【篇文有微量修改，如發現有bug，請不吝指正#adore#】 　　是咁的，我係一個中學畢業左九年、廿八歲、年青上進但係窮到燶既後生仔。 　　我並唔係一開始就係毒拎一條，事實上，我中學時期都算係幾受人歡迎，溝到女，有班兄弟。唔知點解，好似一畢業，咩都唔同哂。我明明風光過，而家賤過地底泥。每一個以往既同學，拎個袋出黎都分分鐘貴過我三個月人工。我唔明點解，真係唔明。當年我曾經取笑過既一個女仔，而家竟然爬到比我地之中任何一個都要再高，我抬起頭，望唔到佢。佢太高，太高，我先發現我錯過左好多野。 　　不過冇得後悔架嘛，係咪？ 　　訓醒聽日都係要起身翻工架。