話說尋晚我係屋企玩pokemon go ,居然比我捉到隻護主犬！

我仲第一時間將cap圖send比我女神！

幅圖得意在於隻護主犬企正係我個衣櫃格離，順便向女神show下我既服裝品味！

「我屋企養咗隻狗呀！睇下幾得意！」

「係幾得意喎，但係都唔夠我隻比卡超得意，岩岩係屋企捉架」

女神send左幅有比卡超既相黎，佢直線自爆自己張床，床上面仲有佢條底褲！

「夠唔夠膽上黎捉佢呀！」

女神開到聲，邊有得推！我即刻lu飯應！

我著好曬衫，梳埋個頭，狗衝出門去女神屋企啦

正當要上巴士時，女神打電話黎

「喂，阿明，你出咗門口未？」

「岩岩要上巴士！」我忍住興奮既語氣，費是女神覺得我猴擒

「咁岩啦，你唔好上車，即刻報警。」

「吓？」

「衣櫃裏面有個人望住你。」