稀客潮文
古語有云「百貨應百客」「一樣米養百樣人」-

便利店好多時都會提供一啲優惠比差隻腳入黎嘅客人
前幾年經濟好,啲人揾多左錢,財多左氣粗左,件事就發生響某旺區某便利店度

個陣係夜晚收工時份,人流又旺,走入一間七仔入邊買支野飲解渴是常識吧?
但我企響雪櫃度諗緊,到底係寶礦力好定葡萄適好嘅時候,就聽到收銀處傳黎一聲你娘可好。
拿即係咁,人係八卦嘅,當然想知到底發生乜野事,咁借啲椅走上去扮排隊比錢𥄫吓睇吓發生乜事啦

上到收銀度前面企住個著黑色西裝皮鞋牛仔褲嘅阿叔係度鬧,鬥咩呢?內容如下:
「屌你老母,你依家睇我唔起呀?比多幾蚊換多包糖,我要買,我就原價買返,駛撚你同我平多幾蚊,多一幾毫你估我俾唔起。」
我聽到當堂呆左一呆,咁都有得好鬧?個阿叔繼續用唔咸唔淡嘅廣東話繼續鬧個女職員,個女職員睇落似兼職多,同樣比個阿叔嚇到呆左一呆,然後就紅都眼埋,含住幾粒眼珠想跌想跌咁,根住個阿叔繼續打蛇隨棍上,繼續鬧,鬧到要叫經理黎為止。
其他客都知開始唔對路,議論紛紛,有啲後生仔開始舉起部手提電話號碼拍低件事。
個男人繼續鬧啦,到個經理行到埋黎,繼續鬧:「你班人係咪睇我唔起,吓?我冇錢買你地啲野咩?要買我就原價買,駛要你平多一個幾毫子銀錢?」個阿叔繼續鬧,個女職員就比佢嚇到喊啦。
「咁你想點呀先生?」經理就唔順氣問佢,其實佢應該想叫警察黎架啦,不過大事化小,你知啦,港豬嘛,多一事不如唔好有事。
「你地店嘅貨,我每樣都要,唔駛比優惠我!」
個經理聽到之後,立刻叫另外兩個後生仔職員去執比佢,野飲零食煙呀啤酒藥呀都執晒落個袋度。
然後個阿叔就響個銀包度拎左張黑色信用卡出黎,「碌柒佢啦你老味。」
經理就好不是味兒咁碌完然後比返張黑卡佢。然後個阿叔就同佢另外幾個同樣打扮嘅朋友拎住個幾十個膠袋走。
我同其他客呆左係度望住佢地離開,係度心諗:「屌,做乜鳩?」