「喂呀!依依你快啲啦我哋已經喺樓下~講笑咋你預我哋半個鐘頭後到啦~係咁先bye!」今次真係大鑊啦!我擰轉身捉住李子豪隻手衝返屋企。沖沖下嘅過程佢望住隻手,我面都紅晒即刻縮開手。
「情況緊急!」成個人都變咗紅色啦!

「李子豪,你要乖乖地留係個衣櫃度呢度有啲餅乾薯片同埋記得飲水一陣間聲都唔可以出!今晚就辛苦你啦!都唔知佢哋幾點走啊......」好彩我個衣櫃都夠大可以塞得落佢條長腿。用勁無辜嘅眼神望住我,佢伸手捉住我嘅衫袖。「好快就可以出架啦,對唔住呀要搞到你咁......」當我意識到佢想伸手抱着我嘅時候,門鐘響起......

叮噹叮噹......
即刻閂埋衣櫃對門,衝出去開大門。
佢哋成班人勁嘈咁樣喺門口度叫來叫去,就係想即刻趕佢哋走無啦啦上嚟我度做乜嘢喎......又嘈喧巴閉又去飲酒又玩埋嗰啲真心話大冒險!

啊澄:「貪你自己一個人住,怕你無聊咪叫埋成班人上嚟囉。」我有少少着咗:「真係多謝晒!」大佬好明顯貪我唔識拒絕朋友又想嚟癡玩黐住。大概有13個人喺我屋企完全迫爆曬。我感覺到有一隻超級大嘅手摸緊我個頭......