「你等我沖完涼我幫你整好張氣墊床。」
因為屋企冇氣泵我就咁用口吹吹到脹卜卜,塊面紅晒成頭大汗......

「真係好靚.....」突然間用佢隻超級大嘅手摸我嘅頭髮接近耳仔嗰啲位置。呢啲位係我超級敏感,即刻勁大反應勁怕羞咁講你講咩呀!佢就話冇啊因為你真係好靚。嗰刻完全唔知比咩反應......即刻轉移話題咁講:「你試吓張床啱唔啱你?」「你只可以瞓係呢一張床唔准爬上黎!」

「同埋你快啲沖涼瞓覺!」
「知道啦依橋。」
「唔好再唔着衫沖出嚟啦。」我笑住咁樣同佢講。
佢入咗去我即刻摸自己塊面,咁畢竟有個咁靚仔嘅人摸自己,不過我係唔會咁易沉船㗎嘛......幾靚仔鍾意我嘅人都唔會接受!
等我搵到方法就會送佢返去!佢無啦啦係我屋企出現實有原因嘅......

我一個人喺床上面輾轉反側而佢瞓喺地下嗰張氣墊床上面,好好奇下面嘅佢究竟瞓唔瞓得着,閉着氣碌去側邊突隻眼少少望住佢,佢少少長嘅頭髮遮住隻眼,好似憂鬱嘅小男孩咁,但係佢反應超級快即刻望咗上嚟。我即刻碌返入去扮瞓覺......

「你做咩偷望我呀?」
我話:「冇啊......睇吓你瞓咗未咋嘛......」
突然我個肚發出咕嚕咕嚕聲,佢竟然問我係咪肚餓。我就喺張床隔起身望住佢,佢用勁溫柔嘅眼神望住我講咗一句:「不如俾我試吓煮嘢食俾你。」勁質疑嘅語氣問:「你得唔得㗎一陣間燒晒成個廚房?!」

睇住佢着住件白色長T恤頸上面明顯嘅鎖骨同埋溫柔帥氣叫靚仔樣,覺得自己好似請咗個偶像幫我煮飯咁。好啦等我試佢嘅炒蛋飯啦......
「嘩超好食!」我覺得自己簡直係視后上身,明明好鹹但係費事令佢唔開心所以扮到好好味咁,跟住佢將啲飯俾多啲我。「唔使唔使啦!」
佢勁唔開心咁問:「咁真係唔好食啦......」「咁又唔係只係鹹咗少少我聽日影相嘅時候會水腫呀嘛。」之後我就用隻匙羹第俾佢食。之後佢就苦瓜乾咁嘅樣。嘻!你下次再努力啦!佢望住我定阻隔咁樣。我好尷尬咁問:「係咪我有嘢痴咗喺塊面度?」佢滅一滅我面珠話:「真係好可愛......」尷尬到即刻將啲飯癡喺佢塊面度。
「你就烏鴉嘴貓!嘻!」
「子豪,我要瞓覺啦唔理你......」

係呢種又尷尬又搞笑嘅情況下完結左呢一晚。