準時4點收工,今日表現有啲失色因為成日都掛住屋企嗰隻流浪貓左諗右諗有啲心不在焉,好擔心佢自己一個喺屋企唔知會搞啲咩。

估唔到上到去嗰陣見到啲咁嘅畫面......

哇!一個186cm嘅美男子竟然全裸喺我面前吸塵?!勁結實嘅八舊腹肌同埋大碌野係我面前走來走去。即刻暗住隻眼求其掉塊毛巾俾佢。大佬咁大個女都未見過啲咁嘅時,雖然係幾養眼但係我都唔可以咁樣對過乜都唔知嘅靚仔做啲咁嘅行為。話晒我都係正人君女。佢係咁問我「點解要調塊毛巾俾我?」「因為男仔同女仔係唔可以全裸咁樣喺人哋面前㗎!」之後搵啲oversize 嘅衫俾佢着。其實佢身材同埋個樣咁完美如果可以做model嘅話一定可以賺好多錢。之後我就每一樣野逐一逐一咁樣教佢,忽然之間我覺得自己好似多咗個仔咁。你呀正一傻小子!

夜晚嘅時候帶佢出街,食飯嘅時候佢連筷子都唔識咋,買咗啲新衫俾佢......帶住佢行街嘅時候街上面嘅男女仔都會望住佢,都係嘅生得咁似明星唔備受關注啊?身邊女仔仲喺度啤住我,救命呀!好感恩好彩冇冇同個靚仔拍過拖。之後求其喺百貨公司度買咗張氣墊床等佢暫時喺我屋企瞓住先。