點解頭先佢個眼神咁可憐既?依家好似踢咗隻自來貓出門口感覺。有少少心酸......唉!費事報警,聽日仲要開工。都係快啲碌上床沖涼瞓覺啦!

又係studio拍野嘅日子,淨係煎隻蛋就即刻開門沖咗出去。衝出去嗰一刻就click親地下, 我望一望地下。見到嗰個靚仔就瞓喺我屋企門口......見到我跌親就即刻扶起我。但係我就唔領情即刻放開佢隻手......

「點解你仲留喺度?」我用極唔友善嘅語氣質問佢。佢淨係着住一件勁鬆嘅黑色T恤完完全全露出佢性感嘅鎖骨而且佢條長腿真係唔係講笑。佢用勁無辜嘅眼神望住我講:「其實我由網絡創造,但係唔知點解突然間會嚟到真實嘅世界,我無家可歸又唔可以入返電腦入邊我仲可以去邊啊......」嗰一刻我唔知點解好心軟,真係完全混亂唔知喺度亂咁噏啲咩,但係唔理咁多費時佢繼續攤喺度俾啲街坊望來望去,以為我有有啲咩感情煩惱就算啦俾佢入屋或者搵個地方安置佢先。「我依家好趕時間所以你入住屋企乖乖地等我收工之後再睇吓點!」佢即刻企左起身,真係生得超級高應該有186 cm以上,唔知屋企有冇啲衫啱佢嘅,我命令佢入去即刻沖涼換衫。我希望我呢個決定係正確啦......