由張床跌落地下木板撞到隻腳瘀咗。即刻企返起身然後嚇到呆咗,呆呆咁企咗喺度望住佢10秒,空氣好似凝結左。但佢仍然用佢溫柔又詭異嘅笑容望住我......擰轉頭俾啲時間自己冷靜,我諗一定係番工番到傻咗先會有發咩d咁嘅夢!用力捏下自己塊面,救命超痛!我深呼吸攞起部電話,係呢個時候個腦勁混亂唔知道佢係鬼定係人,應該去報警定係搵其他人幫手......呢個奇怪男人突然拍一拍我膊頭。

「你做咩咁驚?頭先明明沉醉於係我把聲入面......」

What?! 呢條友係我部電腦到彈出黎?有啲咁嘅諗法一定係痴線啦!
當時我喺度諗係咪啲電視台整蠱人節目,所以深呼吸裝作冷靜。「請問先生你叫咩名?」本來坐喺床邊嘅佢企左起身。一面認真咁樣講:「我叫李子豪。 」
我特登睇吓有冇隱藏鏡頭,打開屋企對大門一腳伸佢出去,之後即刻閂門。挨住對門恩慰自己戰勝呢條奇怪人。特登望下防盜眼佢仲喺唔喺度。
人影都唔見,應該要走咗啦掛......