時間：復仇者聯盟3後

「shit⋯⋯粒石係強國貨嚟。」魁隆看著已嚴重損毀的無限手套說。

宇宙間本已被消滅的一半人口，在魁隆以為大業已成後全部復活過來。

「唔怪得老闆你出完大招隻手套就爆炸啦，咁我地宜家點算好？」嘰嘰兵說。

「心靈寶石，既然幻視額頭上果粒係假嘢，真果粒一定仲喺地球。」被作弄的魁隆再次發動起無限寶石的力量。

「𠵱，老闆，隻手套唔係廢左架啦咩？」嘰嘰兵又說。

「廢左我被雷神劈果陣點走呀？」損毀的無限手套還能發動有限的力量，被雷神劈仲嚴重過俾雷劈。

綠光在魁隆手中閃現，那是源自時間寶石的光芒。

「只要逆轉時間，搶番真果粒心靈寶石，就無人可以再阻止我拯救世界！」魁隆雄心壯志，為了完成這畢生志願他不惜推自己養女落街。

「老闆你知真果粒石係邊？宜家好多嘢都made in china架啵。」嘰嘰兵擔心老闆又再中伏。

「係某人嘅額頭上面。」

⋯⋯⋯⋯

地球，池力共鎮

「Nancy，we need your help.」神盾局局長，單眼佬找上了家燕媽媽。

「唉呀！我都唔知你講乜？」剛娶完新抱正享受著天倫之樂的她，無想到和平的日子快要終結。

「we know you keep the stone.」單眼佬指向自己光滑的額頭。

「不如你講番廣東話啦！」家燕媽媽別過臉說。

「粒石，喺你粒墨到。」單眼佬在化成塵土前想求助的其實不是captain marvel ，他只是看錯了N為M。

時間被逆轉到魁隆進入瓦干達搶奪幻視額上的無限寶石前，所以單眼佬立即趕來池力共鎮。

「Nancy, please.」單眼佬懇切哀求。

「我⋯⋯我無做呢啲嘢好耐㗎啦！」家燕媽媽耍手擰頭。

「We need your team，The Mother Studio.」除了Marvel Studio外的，另一股勢力。

巨輪戰艦從天而降，單眼佬知道的事情，魁隆同樣知道，要集齊六顆無限寶石，魁隆也終於來到池力共鎮。

「搵額頭上有粒墨嘅人出嚟，其他格殺勿論。」對於魁隆的理念來說，犧牲一少撮人是在所難免。

但對於皆大歡喜的家燕媽媽來說，這是不能唏呀唏呀唏就算的事。

嘰嘰大軍開始大肆破壞，漫步在市中心的魁隆無視人命，只要一揮動無限手套，數百條生命就此消逝，以時間寶石逆轉過後，無限手套重現閃爍金光。

「嘰嘰！唔係𠵱個！呢粒只係普通嘅墨！」嘰嘰兵的長矛快要貫穿平民之際，強而有力的手從後把他扔上半空。

「你哋要搵嘅人，係我。」換上一身寶石胄甲，紅色的披風隨風飄揚，家燕媽媽化身Captain Nancy，為池力共鎮的人民再披起戰衣。

「終於嚟啦⋯⋯我嘅心靈寶石。」魁隆闊步前行，以力量之石的力量把人群分隔兩邊。

心靈寶石的主人終於對上無限之戰的最終頭目。

「交粒墨⋯⋯唔係！交粒石出嚟！」藍光閃耀，魁隆把Captain Nancy吸引去他身邊。

「唔得～𠵱粒係我象徵嚟架。」Captain Nancy在虛空中猛力踏步，十字火光衝破了魁隆的力量。

魁隆躍起想追上半空中的Captain Nancy，但只見Captain Nancy繼續向上飛馳。

「隕石墮落！我要將你連同池力共鎮一齊消滅！」藍色光芒閃得更耀眼，魁隆想以空間寶石的力量把宇宙隕石也拉到地面。

無數隕石向地面墮落，但見Captain Nancy無懼這攻擊。

「十字步！」Captain Nancy衝向最大的一顆隕石，雙腳踏上高速舞動，十字型的巨大力量把巨石瞬間粉碎。

「十字步！十字步！十字步！十字步！」
Captain Nancy在長空中不斷瞬移，以十字步擊破空中大大小小的隕石。

「嘰嘰！」大量飛行嘰嘰兵撲向Captain Nancy，但橙色的閃光把他們全部掃清。

「Nancy⋯⋯」單眼佬看著橙色的光芒欣喜地笑。

「大家一齊跳十字舞咪幾好囉。」心靈寶石在Captain Nancy額上顯現，強大的力量令魁隆也目定口呆。

「只有毀滅一半人口，宇宙先會得到平衡！」紫色力量爆發，魁隆向Captain Nancy打出強力衝擊波。

「團結一心就有新轉機㗎啦。」Captain Nancy額上寶石射出橙色光線，光線和衝擊波互相抵消。

「就好似你個下爬咁，搽多啲cream自然會好㗎啦。」Captain Nancy從天而降，她和魁隆的對決才剛開始。

「我有千軍萬馬，你額上嘅墨⋯⋯唔係！係石，我一定要搶到手！」魁隆還不甘示弱。

「邊個話⋯⋯Mother Studio，得我一個㗎？」但Captain Nancy胸有成竹，因為她的隊友即將來到。

「Captain Nancy」Maybe continue⋯⋯