一個志蓮淨苑既晚上
尼姑木魚遠在燈火闌珊處敲木魚
「施主 何解半夜前來上香?」
尼姑向踏進寺內的蒼桑大叔問道
蒼桑大叔一甩三千煩腦絲
道盡心中貪瞋癡
「欲一淨身心而前來, 尼姑芳齡？」
「貧僧浮齡十一, 冒昧一問閣下職業為？」
「黑社會龍頭大佬」
兩人相對望
不知為何有種一見如故的感覺
其實個蘿莉尼姑好清楚點解會有咁嘅感覺，參透佛道嘅佢擁有上一世嘅記憶。喺呢個黑社會大佬令佢再次有返住嗰一種感覺，係前一世幫咗佢好多嘅男人嘅感覺。
前一世嘅蘿莉尼姑因為家窮，俾家人賣身去咗青樓。
沉魚落雁嘅佢好快得到城中各位公子哥兒嘅欣賞，每一個人都同佢虎視眈眈，但佢堅決賣藝不賣身，因為佢一早已經認定嗰個男人係佢一生嘅伴侶，係佢嘅夫君。
佢希望佢嘅初吻，乃至於初夜都係呢個男人俾嘅。
呢個男人樣唔出眾，唔係出自甚麼名門世家，亦都冇一手出色嘅技藝。前一世嘅蘿莉尼姑都唔明白點解前一世嘅自己會鍾意咗佢，只係知道佢地相當投契。雖然冇明言，但佢倆早已認定。
另一半喺青樓賣藝，做男人嘅好難可以默默接受。佢大可以走上青樓向老闆理論，但佢冇。準備嚟講，佢做唔到。
因為佢係啞㗎。
其實男人唔係天生就啞。啱啱出生嘅佢，哭聲如雷。只不過一夜之間染上怪病，聲音變得沙啞。再一夜之間，男人已經發唔到聲。佢嘅父母到村中最有名嘅大夫診斷，怪病罕見，大夫諗破頭都諗唔出個所以然嚟。為保名氣，大夫訛稱男人係俾邪靈附身。
自此，民智未開嘅村民慢慢疏遠呢個男孩，呢家人。而男孩亦都因為佢唔識講嘢，一直都交唔到朋友。慢慢，男孩變得膽小懦弱。
所以佢當初好感激女孩為佢出頭，就好似身穿白袍嘅白衣天做將佢從煉獄中解救出嚟。然後，男孩就開始鍾意咗佢，開始發覺大家都好投契，亦開始認定咗佢。心中亦都暗暗許下諾言，他朝一日要向女孩報恩。
受盡公子哥兒賞識卻決不賣身，青樓老闆當然相當不滿。所以佢就暗自同城中富豪陳公子來個裏應外合，希望將女孩的初夜騙到手中。
在陳家大宅工作的男人聽到，自是暗自把此話告訴給女孩。女孩心中滿是驚慌，眼神流露著驚恐的神情。男孩知道是時候向女孩報恩，因此把計劃告訴給女孩，希望把她從青樓中解救，兩人一起遠走高飛。
但計劃失敗，因著男孩懦弱的性格。
佢永遠唔會忘記女孩俾陳公子拉入房前嘅眼神。
失望、無助、悲憤......
男孩自覺愧對女孩，翌日清於房間上吊，自盡死亡。死前嘅佢，希望確係有轉世呢回事，希望下一世可以變成一個膽大，有能力保護到呢個女孩嘅人。
黑社會大佬對住蘿莉尼姑，望咗兩眼, 參拜完之後就走咗。
或者佢永遠都唔會知道眼前尼姑嘅上一世係佢深愛嘅人，亦永遠唔記得膽小懦弱嘅性格係幾咁差勁。
但呢一切一切，前世今世嘅事，都盡收尼姑嘅眼底。
喺月光底吓，尼姑拎住掃把係寺廟前清走落葉，就好似清走緊兩人嘅前塵往事。口中喃喃著：緣起緣滅，緣聚緣散。
