〈關於網絡寫作這回事〉

咳！咳！

自從將呢啲文章放到網站上，我就感覺到莫名其妙噉緊張。每逢打開瀏覽器嗰時會緊張，打開社交平台嗰時會緊張，將文章上存嘅一刻會緊張。我已經係個脆弱嘅人，嗰丁點嘅神經緊張都加劇咗我嘅情緒壓力。

寫作從來都係件自私嘅行為，係充滿惡意嘅呻吟。因此我將文章上存到網絡平台之後，就好想知道有幾多人聽見自己嘅呻吟。冇人聽見嘅呻吟係毫無意義嘅，因此觀看次數就成為咗我獲得快樂嘅源頭。

好矛盾咩？係嘅。觀看次數嘅高低既使人惆悵，又使人快樂。我確信沉淪喺呢個數字遊戲只會逐漸迷失自我，但又渴望從其他人身上得到存喺感同認同感。雖然我嘅自尊心係脆弱嘅，係容易被動搖嘅，但又無可避免透過其他人嘅評價嚟建立自尊同自信。

喺社會上，你同我都係小羔羊，唔係咩？喺網絡上有很多小羔羊都喺到搖尾乞憐，為嘅只係嗰丁點卑微嘅存喺感。係嘅，我們呢群羔羊食嘅唔係草，而係存喺感。

唔少人喺網上要求互讚、互訂閱、留言、聊天或者送禮物。呢些都令我百思不得其解。觀看次數能夠換錢嘅話仲算合理，但大部分互讚嘅人都唔係為咗錢，係咪？

任何事情要長時間堅持下去，大概都唔係易事。你睇下網絡上高寫小說嘅人，每日更新幾千字，仲要持續一段長時間，靠嘅係咩？單憑理智係好難說服自己去做一件成果未明嘅事，而單憑熱情亦會隨時間衰減。

我諗，做一件事情，無論成功與否（當然失敗會想匿埋），冇任何人睇見先係對自尊心嘅最大打擊。就好似一個冇任何朋友、追蹤同讚好嘅社交平台帳號，無論作者上存咗多少篇文章都好，呢個帳號仲算唔算係存在過？

所以呀！將作品上存到網上嘅人，唔多唔少都係為咗呢存喺感而來嘅。當然我都係，更加想有人聽到我嘅呻吟。確實係喺到大聲吶喊，等其他人知道我嘅存在。

雖然聽起嚟滑稽，甚或可悲，但係喺社會中實在難避免想得到其他人嘅注視。

另外有一類人令我聞之心酸。佢哋非常矛盾。一方面想得到其他人嘅認同，但自知不足；一方面想進步，但又怕被批評。他們總係喺簡介注下「力求進步」、「多多支持」、「歡迎給予意見」之類，睇似廣納諫言，但最後又補上「不喜勿插」，令我啼笑皆非。

哈哈！講真一句，我都係呢類人，所以先話自己係幾咁卑劣。將文章放上網絡，唔多唔少都想得到其他人嘅注視同讚賞，但同時要面對自己嘅拙劣又需要好大勇氣。

唉！人係幾咁矛盾呀！
＝＝＝＝＝＝＝＝＝＝
想睇返之前嘅文，可以睇：https://www.shikoto.com/i/M4Z
fb：https://www.facebook.com/168781870423363/