岩岩睇咗篇文章話叫班地盤工人平時要學習下唔好講粗口。
例子
應該:「呢個項目我無參與。」 
唔好:「單野關我鳩事呀!?」

哈哈大佬呀,笑到肚抽筋。你連地盤佬文化都要搞,你就抵比人屌啦!
事實上,我從來都唔認為講粗口係咩大問題,更唔好話係壞習慣。

【幼年期】
細個個時,當我一講:「妖你!」

老豆就一把摑落黎:「我屌你老母呀!!!仆街仔講粗口!」
(事實係,老豆屌左好多句,先發覺自己講緊粗口)

細路仔應否講粗口?倒不如話我認為細路仔唔清楚咩時候可以講,咩時候唔可以,但要你教佢幾時講粗口,似乎有啲尷尬,所以直接叫佢唔好講就簡單得多啦。

但依家啲細路仔嘅粗口能力唔比一個地盤漢子差
「屌鳩佢個老母做雞丫,比個柒頭皮爆撚咗我座塔,都係個豬閪傻仔隊友囉,係鳩咁送頭比人,養撚到人勁肥呀!」
個日係網吧門外聽到個大約十歲嘅細喎講呢句野,我真係驚為天人。

【成熟期】
正所謂「不屌不相識」,大家平時做野客氣扮哂嘢,有時都需要一句粗口黎到平衡下自己心理。

「終於做完手上工作啦,你好,你有冇興趣去飲杯呢?我請客!」
聽完都唔想去,你自己慢慢啦。

「終於放工啦屌你!仆街仔飲唔飲野!?我請!」

呢句野真係聽到人地好撚舒適! 朋友之間唔講粗口,真係感覺差啲野!

低俗?係架啦,我粗人黎架嘛。

【好難聽】
不過唔係個個都係我呢種粗人黎。
有種人一聽到句類似粗口嘅講話都會立即掩住雙耳話:「好難聽呀!!」

嘩!大佬呀使唔使咁大反應呀。
啲歌星唱足十年都仲會走音,我都未掩住對耳啦!我句野會難聽得過佢唱歌!?

「唉,唔好玩人啦,呀吹!」
傻啦,我份人咁善良(誤!)點會玩人呢?我咪盡量用哂啲諧音黎代替語氣詞囉~

【後續】
我寧願聽人講句開心自然嘅粗口,都唔想聽句卑鄙偽善嘅詩歌。
粗人無禮貌?你依家就上網search 《姜太公 粗口王》見證一下。
但如果你係我頭先上述個種接受唔到粗口嘅朋友,建議你Mute左段聲先聽。

唉屌佢老母丫,我依家咪講緊粗口囉。