佢無一個字係同我心目中既大茶飯一樣。
「我要拎AK打金鋪。」我一聲,霸氣外露,只見搞屎雄怔一怔。

「你HI大咗呀?」
「依家邊有人去打金鋪既!」
「撈d丸仔仲賺過佢。」

「我唔理,我要拎AK。」我話。
「我比金魚佬你做啦。」

「我唔要金魚,我要AK。」
「你拎AK卡死自己,依家D差佬又唔係拎左輪,人地一枝AWP KO你啦。」

「就算我比你做,邊度有傻仔肯同你去。」
「依家邊度有江湖漢子,依家D新一代都係MK仔、偽毒,仲邊有人同你講義氣,人地比人捉左,即刻爆你大鑊,做污點證人HI死你,跟住,你又HI埋我,我味好無辜?」

「我唔會。」
「你無睇過水滸傳咩?!108條好漢,實質個個都係賊,都係雞,同而家D人有咩分別姐。」我理直氣壯。

「你話無味無囉。」搞屎雄口中嘟嚷。

我睇見佢咁講,我安落晒。

「咁,你係未請我食?」

「其實,我都好懷念當年幫葉繼歡、張子強做野果時佢地做d野咁大單,一單大過一單,依家、依家D人都無佢地既膽量,一D刺激都無。」

「我可以幫你再重溫果時既黃金時代。」
「只要你係資助我。」

搞屎雄沉默,看似係到思考緊。

「你出一出去先。」
「我等陣比個答覆你。」

我行出門口。
只見,岩岩排隊遇見果個古惑仔,行走入去。

門關上。
我實在好想知道佢既答覆。

我將耳靠係門上面,
竊聽佢度講緊D咩。

「雄哥你要見我?」
「係。」

「有咩可以幫你?」
「出面有個痴線佬,話想拎炮去搶劫。」

「我諗起,有條水魚想發大財,比咗筆錢我,筆錢唔三唔四,我用又係,唔用又唔係咁。」

「依鑊我地利用個痴線佬,搞單大既。」
「雄哥,你點話點好啦。」

「就咁決定。」
「幫我叫條痴線佬入黎。」

聽到佢咁講,我感動到喊出來。

即使佢係要利用我,但可以完咗我依佢願望,
身甘情願比我既肉體比佢蹂躪又點話呀。

古惑仔走咗出黎,我扮一D事都無發生。

嘗試掩蓋自己high大咗既事實。

「雄哥叫你入去。」
我絲毫都無猶豫,就行咗入去。

「我答應你依單大茶飯。」
「好!!!!!!!!」

「依個就係你第一個兄弟,古明華。」
原來個古惑仔叫古明華,岩晒我心水。

我再仔細描述一下佢既外貌。
佢係一個稍微肥左少少既中年男人。

佢塊面同佢既身形十分之匹配,同樣咁肥。

下巴長滿鬍鬚,右眼有一條打斜既疤痕,為佢依個既look增添唔少氣勢。
應該叫佢做古惑佬,而唔係叫古惑仔。

「古明華,我地以後就坐係同一條船。」
我伸出手,古明華亦伸出手。

此刻,我地既命運已經相連咗一齊。

植入式作者的話:
小弟平生無咩叻,最叻係道FFd故仔,
如果鍾意我既作品,歡迎黎我既專頁 ​
https://www.facebook.com/graylittledog/
比我一個Like,比我知道你既支持,比我有更大既動力去創作。

想睇我其他作品,或者想追故仔最新既動向可以去依道
https://www.shikoto.com/author/11830/灰色小狗.html