我叫做李得利,係一個大學生畢業生,DSE成績考到非常好既成績,中文:5 英文:5** 數學:5 通識:5 其餘兩科選修分別5同5*。

但係無乜人知道我付出左幾多,我主動同女朋友分手,原因當然係學業關係,我覺得拍拖會影響到學業。

好多人都覺得咁樣做好低能好無恥,但個時既我係係為左讀書而不理一切既人,所以覺得無乜野。

其次,好多班會活動同學校既活動我都一律無參加,與期參加活動,倒不如留係屋企溫書爭取好成績仲好。

無錯,我成個中學生涯都係得好少朋友,女朋友同係主動靠近我,我厭佢成日煩住我連係埋一齊,無感情可言。

係我個腦海之中只有讀書讀書同讀書無其他啦。

點解我咁諗?因為唔讀書就會無前途,依家既小小辛苦,換黎將來既榮華富貴,剩係諗都覺得好抵。

我夠膽講,你係香港唔讀好書就一定無前途,我一直抱持住依個觀念去讀書。

直到我大學畢業,我先發現原來依個觀念係錯。

我嘗試過搵唔同既工,有啲老闆話我人品差難以溝通,有啲就叫我返屋企等消息,但一直都無消息。

家人又成日鬧我唔搵工,又無朋友可以傾訢。

面對住種種既壓力我先知道我一直既觀念係錯架。

就算讀到書都未必會搵到工,我好後悔,我好想返到過去,鬧醒以前既我。

今個夜晚我好快就訓著左,仲發左一個夢。

夢裏面一位全身白色西裝既男人問我想唔想返到過去,我當然話想。

但個代價係我會無哂記憶咁返到去,唔會記得依家發生過既野。

面對住依個代價我諗左一陣,我都係決定返到過去。

總好過面對依家既境況。白衫人點一點頭就消失左。

「阿仔阿仔起身啦,就黎遲到啦。」阿媽不停咁叫我

「做咩呀,我畢左業唔洗返學架啦。」我恰番埋眼同阿媽講

「妳係唔係讀書讀到傻左呀?你依家先讀緊中四炸。」

阿媽講完依句我即刻彈左落床,望下個日歷,2012年9月1號

我竟然真係返左去中四個年,諗到依到我開始頭暈暈,之後仲暈左三分鐘。

起番身既時候完全唔知自己做咩黎,我拎左本數學出黎一路睇一路食早餐。

好似尋日發夢夢到啲特別野,點解會記唔起既呢?

(待續)